Video
Read full review
2014-07-30
53 views
早前電視播出的《M Club》令一眾C9看得如癡如醉, 去到邊都總有人搵你討論一番, 當對方聽到我講"一集都無睇過"之後, 全部人的反應都係"做咩唔睇? 好有共鳴, 係我地果個年代"... 心諗"可唔可以唔好隨便話係同我同一個年代"...後來看過《M Club》元祖韓國電影《陽光姊妹淘》, 終於明白點解撞親任何C9都會用同一個口吻向我軟硬Sell...拉姑慶幸自己不像影片中的主角般要時隔25年後先可以再次相聚, 隨著中學時代的一眾少女「團體」相繼步入產房後發生了微妙變化, 驅使「團體」分解再重組為近年的「鐵飯腳」...根據史書記載, 「鐵飯腳」對上一次落Pub已經係上一個世紀的歷史, 嘿嘿... 平時去開山林道多數都係食韓燒, 無為意途中有此英倫風格的Pub... 酒吧內不盡是High Chair, 可以輕鬆安坐舒適的椅子上用餐... 播放的Evergreen懷舊金曲, 果真係我地果個年代, 哈哈難得落Pub, 先來一個熱身吧... Alcoholic Drinks Please... (Drink List儲在平板電腦內, 發光功能在漆黑的環境中大派用場)我的Mini有我最愛的Bai
後來看過《M Club》元祖韓國電影《陽光姊妹淘》, 終於明白點解撞親任何C9都會用同一個口吻向我軟硬Sell...
拉姑慶幸自己不像影片中的主角般要時隔25年後先可以再次相聚, 隨著中學時代的一眾少女「團體」相繼步入產房後發生了微妙變化, 驅使「團體」分解再重組為近年的「鐵飯腳」...
根據史書記載, 「鐵飯腳」對上一次落Pub已經係上一個世紀的歷史, 嘿嘿... 平時去開山林道多數都係食韓燒, 無為意途中有此英倫風格的Pub... 酒吧內不盡是High Chair, 可以輕鬆安坐舒適的椅子上用餐... 播放的Evergreen懷舊金曲, 果真係我地果個年代, 哈哈
難得落Pub, 先來一個熱身吧... Alcoholic Drinks Please... (Drink List儲在平板電腦內, 發光功能在漆黑的環境中大派用場)我的Mini有我最愛的Bailey's, 但櫻桃味過重有點像喝藥水... 朋友們今晚都好乖, 飲Stella, 做乘客... 另一朋友的Tall Tall上桌時充斥青瓜的清新氣味... 最離奇居然有朋友選擇Fruit Punch配炸雞...
Seafood Platter $238-- 是日亮點... 海鮮拼盤!!! 好豐富呀, 有波士頓龍蝦(半隻)、法國麵包蟹(半隻)、法國藍青口(6隻)、加拿大翡翠螺(3隻)、熟蝦(3隻)、車厘蜆(1隻)...
波士頓龍蝦同法國麵包蟹唔單止大隻, 仲爆多膏, 火紅紅的膏正在向我招手... 無力抵抗... 食咗先再減... 龍蝦肉充滿海水鹹味, 肉質結實... 法國麵包蟹反而肉不多... 翡翠螺及車厘蜆除了巨型還很鮮味... 藍青口及熟蝦均不錯...
MINI Club做緊Special Offer, $348 可選1支紅/白酒 配 1個特色拼盤 (5選1)...- 時令生蠔6 隻 or
- 海鮮拼盤 or
- 西班牙手切伊比利黑毛豬火腿(24個月)85gm伴黑松露脆多士 or
- 炭燒德國腸拼盤 or
- 巴馬火腿、芝士拼盤
Deep Fried Chicken in Mexican Style $68
-- 香辣炸雞用上雞膇, 香脆惹味, 肉嫩Juicy, 配埋啤酒, 隔著玻璃窗吹著韓風睇星星... 估唔到去到酒吧都會有C9必殺技...
Spanish Deluxe Pizza $118-- 薄餅有3款, 有意大利有夏威夷有西班牙, 我想食沙樂美腸, 揀咗西班牙精選, 材料有沙樂美腸、蘑菇片、火腿、洋蔥、蕃茄、香草、Mozzarella芝士, 非常豐富... Pizza餅底較硬身, 就算咁大片沙樂美腸再加上勁多餡料, 用手拿著來食餡料都不會東歪西倒, 很不錯...
酒精解密!!! 人總有些埋藏多年的小秘密ssss, 朋友們都來個今夜盡爆心中情, 哈哈, 酒精的神奇力量...5:30-8:30pm係Happy Hours, 所有Items都有8折, 放工來Hea一Hea, 飲完2杯可以順便食埋晚餐...
Post
