安•珈琲 (Closed)

大埔越開越多Cafe，除咗大美督之外呢林村最近都開咗幾間新嘅Cafe喎。呢間紫色外牆，有一個大嘅窗口，係最近一個好熱鬧嘅打卡點，可能大家都冇得去旅行啦就積極搵一啲可以影到相嘅位去食下tea。可以喺太和火車站，搭25K小巴。$48 伯爵茶蛋糕，外貌個幾吸引嘅，IG-able，味道就正正常常，冇乜特別，係一個伯爵茶嘅戚風蛋糕 ，加咗少少玫瑰花瓣，同埋開心果碎。$48，蘋果特飲，比較清新啲嘅飲品，都可以嘅，勉強合格，個味有少少似藥水味。$48 熱情果士多啤梨特飲，可以話除咗影相之外呢，真係麻麻哋啦，因為偏甜，同埋個味道好假好明顯係糖漿。好後悔，早知叫咖啡啦😅除非你想影相打卡做道具，如飛必要建議唔好叫呢杯中伏 熱情果士多啤梨特飲🥲$28，呢件cake冇誠意，好細件，冇技巧可言，現成野🙃🙃總結除咗影相打卡100分之外呢，食物飲品方面係需要再努力💪🏼有好多進步嘅空間，希望下次再嚟，唔止睇得，而且食落都好味啲啦。