Video
Read full review
2024-08-15
472 views
quarrybay返工，平時中午路過呢一間餐廳見到好多人，一直都好想試下。但係由於比較遲放飯，而且放午飯的時間又短，次次黎到都滿座或者要排隊，所以一直都試唔到。終於難得今日早少少收工，就約咗同事過嚟撐枱腳！.餐廳裝修好Muji風，暗黃燈光加上開揚街景，座位寬闊好坐，幾適合同朋友傾下計，享受下晚餐。.🍴Main：-🐥黃油雞髀配雞油香料飯Roasted Fresh Chicken Leg with Pilaf Rice-🐟時令刺身丼飯Seasonal Sashimi Donburi叫咗兩份主食，一凍一熱，兩款都有驚喜。黃油雞飯非常香，米粒乾爽中帶微微油潤，雞油滲透落米粒中，加上香料提味，好惹味，本來減肥少吃澱粉嘅我，都忍唔住食咗好多。（另外店員仲有細心咁幫我哋攞走啲香料，同撈勻個飯，等味道更加均勻，幾貼心）時令刺身丼飯貌相精緻，鮮甜海膽位於頂部，加上魚油豐腴嘅魚生幾鮮甜魚籽，好鮮甜。.Desserts:🥞幸圓原味梳乎釐班戟Koen Plain Soufflé Pancake原味蛋香濃郁，奶油綿密、空氣感得黎不會太空氣，帶有少許口感，貌相味道都幾有驚喜。搭配濃郁非常嘅Belgium Choc
.
餐廳裝修好Muji風，暗黃燈光加上開揚街景，座位寬闊好坐，幾適合同朋友傾下計，享受下晚餐。
.
🍴Main：
-🐥黃油雞髀配雞油香料飯
Roasted Fresh Chicken Leg with Pilaf Rice
-🐟時令刺身丼飯
Seasonal Sashimi Donburi
叫咗兩份主食，一凍一熱，兩款都有驚喜。黃油雞飯非常香，米粒乾爽中帶微微油潤，雞油滲透落米粒中，加上香料提味，好惹味，本來減肥少吃澱粉嘅我，都忍唔住食咗好多。（另外店員仲有細心咁幫我哋攞走啲香料，同撈勻個飯，等味道更加均勻，幾貼心）時令刺身丼飯貌相精緻，鮮甜海膽位於頂部，加上魚油豐腴嘅魚生幾鮮甜魚籽，好鮮甜。
.
Desserts:
🥞幸圓原味梳乎釐班戟
Koen Plain Soufflé Pancake
原味蛋香濃郁，奶油綿密、空氣感得黎不會太空氣，帶有少許口感，貌相味道都幾有驚喜。搭配濃郁非常嘅Belgium Chocolate好夾，入口好似令到pancake都多咗朱古力味咁。
🍵宇治金時芭菲
Uji Matcha Parfait
不得不說佢地甜品確實做得很不錯，Pancake味道都已經好到位，但結果最得我歡心嘅卻係呢一款芭菲。Cream口感輕盈，抹茶味不會太苦，加上糯口糯米小丸子、米通脆脆及紅豆🫘，一層一層，由淺至深，整個味道平衡得很好。🥄搭配Kiwi Paradise，一酸一甜，個人覺得幾夾。
～～～
幸圓
鰂魚涌英皇道1001號1樓1-2號舖
Post
