B.Two House (Closed)

Bagel同rye bread係我最鍾意既麵包，貪佢地有咬口、口感實在，唔會好似食空氣咁。前排搵左幾間bagel shop bookmark晒逐間逐間試，知道依間既係兩姊妹自己每日手製，好有心思，喺九龍灣番工既我今日專登黎食地鐵站B出口行5分鐘左右就到，餐廳喺工廠大廈一樓，估唔到成層樓都係食肆 我地三人行散叫兩個bagel queen一個bagel king，可以選擇跟餐，會有埋湯同飲品；bagel of the day好似係全麥bagel，每日只供應一款。Bagel Queen $58 - 超!多!餡! 有雞扒、火腿、菠蘿、番茄、青瓜、生菜、車打芝士醬同牛油果醬，要壓實先勉強可以一啖食晒咁多樣野 香口雞扒、微鹹火腿同bagel好夾，淡味啲既番茄、青瓜同生菜令成個combo感覺冇咁漏。我地都食得幾狼狽，啲野係咁跌出黎，但係超級大滿足 唯一敗筆係牛油果醬冇乜牛油果味，可能要+$5 要牛油果切片先有想像中既效果。Bagel King $58 - 朋友嗌既，拎起bagel有厚厚一層cream cheese 其他餡有牛肉、火腿、番茄、青瓜、生菜、車打芝士醬同辣醬。朋友話辣醬牛肉同其他料唔係好夾