Video
Read full review
2021-02-10
1174 views
Time Square 做promotion， 用$8就可以買到$50嘅千両美食卷，真係好抵呀！我同老公都好好彩，每人都買到一張，於是趁阿仔未放學，快快脆脆去食個lunch。基本上餐廳一開門我哋就入去，所以唔使等位。因為疫情，迴旋壽司冇得轉，就算坐bar 枱都只係可以點餐。真係有D懷念之前望住D壽司轉來轉去嘅景象。嗰陣時會心諗：「我鍾意食嘅壽司幾時會出呢？」☺️「又係青瓜卷？！」🙄「呢碟轉左好耐都冇人攞，一定唔新鮮喇！」🤔「我鍾意嗰碟嚟緊，唔好俾人攞咗呀！」😁我哋order咗香蔥吞拿魚腩手卷、吞拿魚蓉北海道帶子壽司、炎燒牛油珍寶赤海蝦、牛油果軟殼蟹卷、炎燒左口魚裙邊、軟殼蟹手卷、甜蝦蟹膏軍艦同吞拿魚腩軍艦。上菜速度迅速，而且收碟都好快。千両魚生壽司嘅選擇都好多元化，食材新鮮，值得一讃係所有手卷同軍艦嘅紫菜都仲係脆👍🏻 令我有少少失望嘅係今次「炎燒牛油珍寶赤海蝦」無乜牛油香味，之前食過係好香架。唔使一個鐘，同老公食完餐既快捷又味道唔錯嘅日本餐，用埋coupons ，價錢仲更加抵！食到飽住個肚仔就去接個仔放學😄
Time Square 做promotion， 用$8就可以買到$50嘅千両美食卷，真係好抵呀！我同老公都好好彩，每人都買到一張，於是趁阿仔未放學，快快脆脆去食個lunch。基本上餐廳一開門我哋就入去，所以唔使等位。
因為疫情，迴旋壽司冇得轉，就算坐bar 枱都只係可以點餐。真係有D懷念之前望住D壽司轉來轉去嘅景象。嗰陣時會心諗：「我鍾意食嘅壽司幾時會出呢？」☺️「又係青瓜卷？！」🙄「呢碟轉左好耐都冇人攞，一定唔新鮮喇！」🤔「我鍾意嗰碟嚟緊，唔好俾人攞咗呀！」😁
我哋order咗香蔥吞拿魚腩手卷、吞拿魚蓉北海道帶子壽司、炎燒牛油珍寶赤海蝦、牛油果軟殼蟹卷、炎燒左口魚裙邊、軟殼蟹手卷、甜蝦蟹膏軍艦同吞拿魚腩軍艦。上菜速度迅速，而且收碟都好快。
千両魚生壽司嘅選擇都好多元化，食材新鮮，值得一讃係所有手卷同軍艦嘅紫菜都仲係脆👍🏻 令我有少少失望嘅係今次「炎燒牛油珍寶赤海蝦」無乜牛油香味，之前食過係好香架。
唔使一個鐘，同老公食完餐既快捷又味道唔錯嘅日本餐，用埋coupons ，價錢仲更加抵！食到飽住個肚仔就去接個仔放學😄
Post