La Mer Brasserie (Closed)

公司一向會請大家食生日lunch, 原本我0個餐想揀去 Cafe Landmark, 但可惜 booking full 到要差唔多一個星期後至有位... 同事suggest 0黎呢度, 因為超近, 係正公司對面, 食法國菜0既就 ok 啦~ 大家都叫 set lunch, 因為唔駛煩... 我叫呢個 starter + 半邊芝士焗龍蝦, 真係唔錯, 龍蝦起埋肉更加啖啖肉! sorry 唔係好記得呢個 set lunch 幾多錢(好似唔知係唔係$188??), 貴過樓下comment 0既$98 lunch set 因為係食海鮮, 但都幾唔錯, 同事叫個海鮮platter, 好大份好多0野! 一個人邊食得晒0架? 講番我個龍蝦, 如果佢可以0係旁邊加番少少 pasta 咁會更加好, 飽肚少少。環境唔錯, 幾 grand 幾hip, 0岩0岩入去0個陣冷氣好似凍0左少少, 但後尾 ok 喎。service ok, 叫人幫我影合影都幾 nice, 但我杯水飲晒都冇人幫我加水, 可能因為隻玻璃杯係深藍色0既關係, 飲晒佢都睇唔到0卦...總括0黎講impression 唔錯, 好想再0黎試0下