Rasoi 傳統印度菜 (Closed)

大角咀一向多好野食，見到 Rasoi 傳統印度菜咁多好評，加上平時好少去咁傳統的印度餐廳，一於試下。因為好早去到，所以都唔需要等位，餐牌有好多選擇，多到最後都係叫返二人餐就算。而且二人餐都有好多野食，足夠俾三個人食。下左單冇耐就有胡椒脆餅食，仲跟左三種醬汁，分別有BBQ醬、奶酪醬和薄荷醬。胡椒脆餅夠脆，就咁食已經好好食。而三款醬中最推薦中間橙黃色的奶酪醬，BBQ醬偏濃味，薄荷醬都好清香，但未必啱香港人口味。Mango Lassi - 這個芒果酸奶好香的芒果味，而且唔會太重乳酪味，味道唔錯。小扁豆、薯蓉咖喱角、炸蔬菜 - 三樣都炸得不錯，味道都正正常常。另外仲有無骨燒雞+烤魚塊，不過又唔記得影相，雞和魚都各兩件，兩者的味道都過得去，雞的肉質比較乾身，雖然唔算十分美味，但仍可接受。磨菇玉米 - D個汁不得之了，磨菇玉米夠香甜外配埋香料簡直一流，跟飯同烤餅都係絶配。咖喱羊肉 - 根據維基大神:印度咖哩成功的秘訣在於香料的組合與烹煮次序，而不在於炫麗複雜的烹調技巧，而羊肉因其羶味重，通常以多種香料去味。D個咖喱香氣誘人，味濃郁而不過於辛辣，羊肉肉質嫩滑(不過有D鬆散)，但絶對係高質的咖喱羊肉。