Video
Read full review
2011-04-26
18 views
我近牌迷上organic food, 同埋我成日去soho都會經過life, 已經好想去吓今次約埋朋友係life度食下午茶成間restaurant都係用木為主材, 就咁已經夠晒organic feel差唔多四點去到, 唔多人, 樓上只係有兩個人,店舖比我想像中細, 樓上只係得五六張枱, 好似其他人講咁, 全部都係外國人氣氛relax, 但waiter嘅服務態度就麻麻, 冇乜表情, 但又未至於差網上有menu, 我前一日已經參考過啲食評, 一早鎖定目標我哋叫咗兩個cake set($55)連organic coffee or tea散叫多件cake(因為唔想要跟餐飲品) 同一杯Zinger我嘅跟餐earl grey同green tea最先到,唔知道係咪organic嘅原因, 有少少"印度味"哈哈, 唔知有冇人明我講乜飲落我嘅earl grey的確有一陣草藥味, 但係可以接受嗰種相反我朋友嘅green tea係一啲green tea嘅味都無, 仲要有好大陣牙膏味(牙膏嗰啲薄荷味)我覺得佢係俾錯咗mint tea我哋Zinger 係橙紅色，仲見到啲渣，好似好健康味道同橙汁大同小異，只係多咗好
今次約埋朋友係life度食下午茶
成間restaurant都係用木為主材, 就咁已經夠晒organic feel差唔多四點去到, 唔多人, 樓上只係有兩個人,
店舖比我想像中細, 樓上只係得五六張枱, 好似其他人講咁, 全部都係外國人
氣氛relax, 但waiter嘅服務態度就麻麻, 冇乜表情, 但又未至於差
網上有menu, 我前一日已經參考過啲食評, 一早鎖定目標我哋叫咗兩個cake set($55)連organic coffee or tea
散叫多件cake(因為唔想要跟餐飲品) 同一杯Zinger
我嘅跟餐earl grey同green tea最先到,唔知道係咪organic嘅原因, 有少少"印度味"
哈哈, 唔知有冇人明我講乜
飲落我嘅earl grey的確有一陣草藥味, 但係可以接受嗰種
相反我朋友嘅green tea係一啲green tea嘅味都無, 仲要有好大陣牙膏味(牙膏嗰啲薄荷味)
我覺得佢係俾錯咗mint tea我哋
Zinger 係橙紅色，仲見到啲渣，好似好健康味道同橙汁大同小異，只係多咗好少莓味
一般，但$34都幾唔值
隔咗陣啲蛋糕都黎到, 份量唔係好大, 但係一定大過普通嘅蛋糕
chocolate tofu mousse cake黎到爛咗一弗
banana cake好似好吸引
carrot cake面頭係佈滿seeds同nuts
賣相好home made.
我個人係鍾意呢啲home made feel嘅蛋糕多過啲賣相花巧嘅蛋糕
感覺上醜樣啲嘅會有內涵啲
chocolate tofu cake真係好清好清我肯定佢落非常小甚至冇落糖. 豆腐味係主要味道, 茱高力味俾豆腐味蓋過晒
鍾意食豆腐嘅人可能會鍾意, 但我嫌佢味道太淡,
餅底係啲冇落油嘅消化餅, 食落都係冇內疚感
但係真係健康到冇乜味...
carrot cake好有口感雖然見到carrot絲但係冇carrot味
成件cake係all about seeds同nuts
有sunflower seeds, walnut, pumpkin seeds仲有好多其他種子同堅果
口感非常豐富，但多料嘅地方就只係面頭， 底下係濕潤嘅蛋糕身，中間食食吓會有堅果
鍾意食nuts嘅人一定鍾意佢
我唔係好鍾意nuts都對佢有幾好嘅印象
我係Carrot cake lover, 呢個蛋糕糖份比平時嘅低
冇咗傳統嘅cream cheese frosting小咗油膩同滯嘅感覺
蛋糕係硬身嘅，一督都會跌啲碎落黎，但係佢係dense同窄實，所以係有咬口嘅
BANANA CAKE蛋糕比carrot cake軟身，但唔係質感就差唔多
最得意係食落好明顯個面係侷之前灑咗raw sugar,
因為係食到一粒粒蔗糖，蛋糕香蕉味唔重，但係食得出有香蕉味
我覺得佢糖份可以少啲，蛋糕甜咗啲，相信少啲糖會好味又健康啲
但點住伴碟嘅藍莓醬黎食就好好味
因為藍莓醬係冇添加，所以酸酸地，加埋甜嘅蛋糕食就好櫬
但係好有罪惡感
最唔推介CHOCOLATE TOFU MOUSSE CAKE
聽到waiter同隔離枱講話flourless chocolate cake同carrot cake最popular.
見到人地嘅flourless chocolate cake，真係好似好好味
下次要試！
窗口咁啱有陽光照入黎，我好鍾意俾陽光照住嘅感到，但係唔鍾意嘅人會厭刺眼，所以好唔好就見人見智喇
TOTAL $219，朋友因為我生日請我食，多謝晒
稔就仲稔主買啲organic muesli,但賣相同屋企個啲一樣，所以冇買
我會再黎！因為我鍾意佢夠健康同支持有機
Post
