Beerliner German Bar & Restaurant (朗豪坊) (Closed)

我同朋友因買左好多野， 求祈喺朗豪坊搵間唔駛等位既餐廳就坐低。因為係HH時段首先waitress安排我地坐兩人座， 但我地四隻手都拎住野睇都知坐唔落， 而且佢地又大把位後來先安排一張四人枱比我地。就係呢張四人枱位於水Bar隔離， 我地睇到waiter將一杯杯人家食剩既花生雜豆倒埋一杯比其他嚟HH既人客(圖一水吧杯啤酒前面香檳杯就係嘞)。成晚都係咁做， 證明係佢地慣常做法。我真係唔知其他地方HH會唔會都係咁，不過你唔介意喺其他人客面前咁公開咁做又真係好趕客。所以我相信佢整體都唔會衛生得去邊。但既然我地已經柯打左伏已中，就只好硬著頭皮！ 豬手炸到硬到離譜，要企起身切。全部皮都無辦法食(唔想甩牙)! 沙律上碟時亦亂七八糟， Starbucks 既沙律會好啲，仲平一大截添！ 我同朋友因為見到佢recycle人地食剩野呢一幕心中已經好不安，我地會認住，點都唔會中多次伏。