Regala Cafe & Dessert Bar (Closed)

星期一下午到九龍Regal嘅Regala Café食自助午餐。以食物款式來說，的確比較少。冷盤有沙律菜三至四款，火腿兩款，只需一個回合已試完了，無乜特別。熱盤亦只有三至四款，有菜、咖喱牛腩、大葉燒雞等。熱盤桌旁有一粉麵檔，但只供應牛腩、肥牛及牛丸，並配牛尾湯或越式魚湯。絕大部份食物都帶有東南亞風味，唔知係唔係做緊相關promotion。比較好食的是牛腩配牛尾湯，牛腩幾腍幾好食，牛尾湯清甜，OK。甜品桌有蘋果批、Brownie蛋糕、杏仁/芒果布甸、各式生果等。款式雖少，但overall都幾好食，尤其係杏仁布甸，幾香杏仁味，唔錯。埋單約$100一位，因唔多嘢食，價錢略為貴咗少少。七、八十元就差不多。