堡爵仕美食車

Open Now

Now Closed

今日出開嚟，食埋野先返去啦，呢排少咗出街食咁，難得有d mood就喺附近食個brunch 先揀咗食漢堡包，見佢成百二蚊個起，睇吓係咪比連鎖店出眾。叫咗個set, 叫個包可以加錢食小食，我就揀咗洋葱圈，漢堡就揀返classic 款穩陣d。好喇，食咗個洋蔥圈先，嗯~~~ 出面脆粉都几薄，但有少少硬，唔太油膩，送酒係可以的。另外個classic喇, 個包好厚，一啖係咬唔晒，d 牛肉好juicy, 但牛味唔重，同埋可能我食慣濃味掛，感覺d醬汁無咩味，整體比較淡，應該適合無咁重口味嘅人OK, 我就額外加返d茄汁同黃芥末。個包皮鬆軟，食到最尾塊包皮吸咗d汁有d諗。so far都ok嘅，不過不失，但難令我有掛住想再嚟嘅感覺。環境不嘈吵只聽到音樂，service都ok，如果等人，消磨時間或hea都不失為選擇。