Video
Read full review
2016-07-11
2009 views
之前試過星期五晚十點幾經過，見到呢間tapas bar出面好多外國人拎住杯野飲食緊煙，就行落去睇下，發現原來係個地窖。個陣覺得好熱鬧，好似去歐洲時當地人放工傾計既地方好有feel，而餐牌選擇都好多，尤其係酒，所以決定要搵個機會試下。呢晚七點半黎到得我地一枱人，同上次坐到滿哂好嘈既氣氛好唔同，感覺高級卻又有點太靜，即刻變左同老死兩個人談心mode。一坐低就睇餐酒menu，見到我最鍾意既dessert wine即刻毫不猶豫咁點左，因為香港好少餐廳有得by glass叫黎飲，所以有得叫一杯真係好開心，仲要只係四五十蚊一杯酒，可以同朋友自己揀岩口味既野。呢度既tapas種類唔算好多，但都算夠揀，而且份量幾大，如果慢慢食，享受下談天說地既時間真係唔錯，而食物既質素都算中上。Kashmiri Mushrooms 克什米意蘑菇 $50由於坐左係開放式廚房旁邊，所以見到店員係一大煲入面載左一碟上黎。一食落口有少少嚇親，無想像過呢個菇係咁重味，原來係一種印度咖哩，而且對老死黎講其實幾辣下。因為呢個係第一個道上既，所以唔同唔少有影響左其他食物既味道，用黎送啤酒就會比較合適。如果有得揀，可能我會鍾意就咁煎或
呢晚七點半黎到得我地一枱人，同上次坐到滿哂好嘈既氣氛好唔同，感覺高級卻又有點太靜，即刻變左同老死兩個人談心mode。
Dessert wine
$40
28 views
0 likes
0 comments
呢度既tapas種類唔算好多，但都算夠揀，而且份量幾大，如果慢慢食，享受下談天說地既時間真係唔錯，而食物既質素都算中上。
Mushroom
$50
44 views
0 likes
0 comments
由於坐左係開放式廚房旁邊，所以見到店員係一大煲入面載左一碟上黎。一食落口有少少嚇親，無想像過呢個菇係咁重味，原來係一種印度咖哩，而且對老死黎講其實幾辣下。因為呢個係第一個道上既，所以唔同唔少有影響左其他食物既味道，用黎送啤酒就會比較合適。如果有得揀，可能我會鍾意就咁煎或者燒呢種蘑菇黎食。
Seared Tuna Salad
$70
33 views
0 likes
0 comments
吞拿魚只係輕輕煎過表面，內心都係軟同凍既，上面有柚子醋，雖然吞拿魚唔算特別靚同鮮甜，但味道算清新。
Serrano chicken
$60
24 views
0 likes
0 comments
呢個係今晚既tapas入面最得我心。其實佢係一塊薄雞扒，應該係用一種香草煎過，上面就放左好多煙肉，加強口感同引下味。因為雞既肉質幾嫩，而且份量都幾好，又香口，所以值得推介！
Chocolate brownie
$50
30 views
0 likes
0 comments
兩個人坐左個半鐘，先決定再點個甜品，店員話今日既甜品係chocolate brownie。共有四片brownie，上面加左Mascarpone Cheese同淋左好多hershey’s朱古力醬。以平時整甜品的經驗，brownie其實真係好難有大出錯，而的確我覺得呢個甜品都算處理得唔錯，因為佢焗既時間都算岩岩好，而且薄薄一層，所以烤出黎有輕輕焦味，而加Mascarpone Cheese呢個配搭對我來講都算創新，雖然我唔好芝士但淡味的都可以。調味方面亦唔算太甜，所以用黎送dessert wine，真係再食多round都得！
走既時候已經差唔多十點，店內都只係有三枱客人，可能平日就係唔太旺場，但呢度既環境靜靜地又的確幾舒服同適合傾計，而且店員既服務好真摰。以前大學住既舍堂好近呢度，而家每次返西環都好感歎店舖唔同左咁多。校友們，尤其有在舍堂生活過既你，都多Ｄ返下行下喇！
Post
