Video
Read full review
2018-02-26
171 views
星期六難得唔使番工，約左好姊妹去cafe坐下。位於善慶街樓梯旁的小清新，雖然比較難搵，離地鐵站嘅距離都比較遠，但係都唔阻我地搵好野食的決心。細看之下原來係 Return 的第二家分店，飲品由Return Coffee 主理，加埋由Fast Gourmet 主理的食物，直頭心心眼！難得好天，所以在室外用餐吧。今次仲新推出左兩款流心牛角包，左邊係已經切開左的海鹽焦糖咖啡 ($28)，同右邊的龍蝦湯 ($42)。呢度的 牛角包係自家製，原來餐廳樓上有廚房，所以剛剛焗起嘅牛角包鬆脆非常，咁啱撞正出爐你就發達了！流心效果令人嘩一聲！海鹽焦糖咖啡味係凍食，mousse 都比較甜，甜品的好選擇！而我就鍾意龍蝦湯多d，好似飲緊酥皮龍蝦湯的感覺！另外後面的afternoon tea set 分別有 cream bulee, 雞肉肶, 慢煮黑松露蛋。好好彩喺 weekend食到，原來係weekday 限定架。weekend 去到記得問下店員有無！黎得Return點可能唔介紹signature drink? White Charcoal 就好似一幅國畫一樣咁靚，飲落去有淡淡的竹炭味，加上濃厚嘅奶泡喺面，綿滑
星期六難得唔使番工，約左好姊妹去cafe坐下。位於善慶街樓梯旁的小清新，雖然比較難搵，離地鐵站嘅距離都比較遠，但係都唔阻我地搵好野食的決心。細看之下原來係 Return 的第二家分店，飲品由Return Coffee 主理，加埋由Fast Gourmet 主理的食物，直頭心心眼！難得好天，所以在室外用餐吧。
今次仲新推出左兩款流心牛角包，左邊係已經切開左的海鹽焦糖咖啡 ($28)，同右邊的龍蝦湯 ($42)。呢度的 牛角包係自家製，原來餐廳樓上有廚房，所以剛剛焗起嘅牛角包鬆脆非常，咁啱撞正出爐你就發達了！
流心效果令人嘩一聲！海鹽焦糖咖啡味係凍食，mousse 都比較甜，甜品的好選擇！而我就鍾意龍蝦湯多d，好似飲緊酥皮龍蝦湯的感覺！另外後面的afternoon tea set 分別有 cream bulee, 雞肉肶, 慢煮黑松露蛋。好好彩喺 weekend食到，原來係weekday 限定架。weekend 去到記得問下店員有無！
黎得Return點可能唔介紹signature drink? White Charcoal 就好似一幅國畫一樣咁靚，飲落去有淡淡的竹炭味，加上濃厚嘅奶泡喺面，綿滑有趣。睇得又飲得！全香港得Return Coffee有得飲咋！另外，見有少少餓亦試左幾款由 Fast Gourmet 主理的菜式，又有意外驚喜！
話梅醃過的車厘茄酸酸甜甜，加上爽脆嘅青瓜絲，仲有健康嘅藜麥同埋薏米，怕冇味嘅原來主廚仲用咗蜜糖芥茉醬來做dressing，有點刺激！底下重鋪左鹽焗嘅紅菜頭，飽肚得來有少少清新。
主廚好有心地加入左Super food，為繁忙嘅都市人來打造多點健康。48小時慢煮黑毛豬
黑毛豬用上48小時慢煮的技術，將所有油份都逼出來。而面頭加上了打碎了的藜麥，形造了呢一個吉列的感覺。伴碟嘅醬汁有來自法式傳統烹調嘅白酒煮蘋果蓉，同埋甜甜地嘅南瓜蓉，正正減輕左黑毛豬嘅油膩感。
切開咗睇落雖然有啲肥，但係食落口口感軟綿綿，絕對唔會食到成口油。而肉質能夠保持juicy! 而我最鍾意嘅係面頭的外皮，有少少燒烤嘅感覺。
試咗兩款慢煮嘅菜式，感受到主廚對於食物嘅認真，同熱情。記得臨走打算買一個牛角包比屋企人食，主廚細心咁解釋擔心路途上會令到品質有變，寧願忍痛唔做我生意，都好想客人能夠品嘗到原原本本嘅食物質素。呢一點真係好令人敬佩。所以下一次我都係乖乖地帶埋屋企人黎試吓啦。
呢一度除咗又好飲嘅咖啡之外，仲有用心煮嘅西餐，所以一日之間無論邊個時段你都非常適合。
Post
