Ricco (Closed)

放假返咗去舊公司探同事同食晏，佢帶咗我去試青山道新開嘅小店「Ricco」。店舖喺正天悦廣場後面，位置都算幾方便。小店門口幾靚，行過都不難發現😙。餐廳環境面積唔大，不過乾淨企理，而且都有花啲心思裝修。如果唔堂食的話，亦可以選擇外賣，而且自取更有八折優惠🥡。我哋嗌咗兩個主食同小食，全部賣相都唔錯，可算係色香味俱全。同時，製作時間亦合理。價錢方面，我認為喺呢區屬一般水平，但畢竟小店經營都唔容易🙏🏻。黑松露忌廉芝士雜菜魚柳炒意粉($75)，🍝炒意粉口感彈牙，我見到廚房有將意粉過冷河。另一邊廂，意粉散發住好濃郁嘅黑松露香氣🍄，味道自然。餸料方面，主材係兩大塊龍脷魚柳，肉質軟嫩🐟，另外仲有大量雜菜，例如雜菇、翠玉瓜、茄子同洋蔥等，感覺既豐富又健康。日式咖喱汁香煎豬扒蛋蓋飯($58)，🍛咖喱汁味道好香，由於係日式嗰種，所以辣度溫和，老少咸宜。🍳炒蛋香滑，配飯食令口感更濕潤，另外當然唔少得蔬菜。餸料有多款選擇，我要咗香煎豬扒🐷，比起吉列脆炸無咁熱氣。豬扒肉質都OK，夠大件同有一定厚度。椒鹽雞翼尖($26)，🐔雞翼尖以椒鹽爆香，惹味到不得了。酥炸外層脆卜卜，我哋啜得好滋味，佐酒一流。水牛城雞翼($35)