Video
Read full review
2009-05-11
18 views
臨近母親節，和媽咪到Parklane嘅Riva撐抬腳。餐廳環境氣氛唔錯，有維港境，又有現場鋼琴伴奏。服務方面亦算滿意。餐包：有五至六款；微暖；質素一般。西瓜及車厘茄沙律伴羊奶芝士、黑椒碎配番茄雪葩：較新鮮嘅配搭，尤其是番茄雪葩，用新鮮番茄製成，味道微酸而清新，如喜愛吃番茄的話，必然喜歡這道菜。魷魚仔沙律伴火箭菜及燒燈籠椒：相較以上的前菜，這道菜比較普通。芹菜頭忌廉湯配椰菜及脆煙肉：忌廉湯味道很濃郁，內裡的芹菜頭增進了口感；附上的煙肉夠香脆，和忌廉湯的味道配合得宜。扒T骨羊扒伴忌廉粟米糊醬、天婦羅矮瓜及茄乾配香果醬及羊肉汁：羊扒火喉控制一般，比要求overcook咗少少，幸好肉質唔錯，唔韌；味道方面都OK，有羊扒應有嘅香味而又唔會太羶。天婦羅矮瓜亦做得不錯，皮脆唔油膩，好食喎！煎燒帕爾馬火腿包高僧魚伴燒南瓜意大利飯及開心果仁碎配煙肉泡沫：比較失望之作，不知是否帕爾馬火腿影響，整件魚卷過鹹，而且魚味欠奉；反而意大利飯味道口感幾好，總算為這道菜增添了些少分數。桑莓慕絲配芒果汁及開心果仁威化：味道清新，不會太甜，OK。莫卡咖啡配甜點：OK。Set-dinner唔計加一要$498一位，因有會員咭
臨近母親節，和媽咪到Parklane嘅Riva撐抬腳。餐廳環境氣氛唔錯，有維港境，又有現場鋼琴伴奏。服務方面亦算滿意。
餐包：有五至六款；微暖；質素一般。
西瓜及車厘茄沙律伴羊奶芝士、黑椒碎配番茄雪葩：較新鮮嘅配搭，尤其是番茄雪葩，用新鮮番茄製成，味道微酸而清新，如喜愛吃番茄的話，必然喜歡這道菜。
魷魚仔沙律伴火箭菜及燒燈籠椒：相較以上的前菜，這道菜比較普通。
芹菜頭忌廉湯配椰菜及脆煙肉：忌廉湯味道很濃郁，內裡的芹菜頭增進了口感；附上的煙肉夠香脆，和忌廉湯的味道配合得宜。
扒T骨羊扒伴忌廉粟米糊醬、天婦羅矮瓜及茄乾配香果醬及羊肉汁：羊扒火喉控制一般，比要求overcook咗少少，幸好肉質唔錯，唔韌；味道方面都OK，有羊扒應有嘅香味而又唔會太羶。天婦羅矮瓜亦做得不錯，皮脆唔油膩，好食喎！
煎燒帕爾馬火腿包高僧魚伴燒南瓜意大利飯及開心果仁碎配煙肉泡沫：比較失望之作，不知是否帕爾馬火腿影響，整件魚卷過鹹，而且魚味欠奉；反而意大利飯味道口感幾好，總算為這道菜增添了些少分數。
桑莓慕絲配芒果汁及開心果仁威化：味道清新，不會太甜，OK。
莫卡咖啡配甜點：OK。
Set-dinner唔計加一要$498一位，因有會員咭的關係，最後約$300一位，以食物質素及餐廳環境來說，都算抵食。
[8/5/2009; Fri]
Post
