Lawry's The Prime Rib (Moved) New Location

裝潢好grand，有情調。Order prime ribs會跟麵包、沙律、yorkshire pudding & mashed potato。侍應會係你面前撈沙律醬，轉動一個下面墊咗冰嘅超級大鐵碗，一路轉一路撈，另外會附上一隻冰凍嘅叉食salad，非常講究，可惜係用西生菜；yorkshire pudding，用嚟點gravy食，個pudding焗到焦焦哋，外脆內軟幾特別；mashed potato有薯味夠幼滑。一舊幾十磅嘅prime rib放係架有蓋大餐車裏面，推到你面前即切，無論你叫邊種cut都係從果舊肉到切落嚟。肉質夠稔，配埋gravy一齊食很夾，但有少少覺得似食自助餐嘅roast beef。california Cut (6oz)，english cut切三塊(共7.5oz)，lawry cut (10oz厚切)。10oz加埋其他side dishes，同行男士都覺得份量太多。侍應服務唔錯，唯一不滿係太hard sale，經常問要唔要order其他食物，問到客人都覺得尷尬。