Video
Read full review
2022-09-22
647 views
除咗”粵菜天花板”富臨飯店，銅鑼灣信和廣場仲有另一間傳奇名店，叫做Roganic。餐廳2019年開業，短短唔夠十個月就摘取米芝連一星，靠嘅除咗主廚Simon Rogan嘅名氣，當然仲有穩打穩扎嘅實力，同埋大膽前衛嘅創意。今次呀叔小試牛刀，同老婆一齊體驗吓佢哋嘅lunch menu。頭盤Seaweed Tartlet，以脆身乾昆布造底，配上熟成和牛粒同埋焦糖化洋蔥。當你以為咁樣嘅食材作為頭盤好重口味，醬汁嘅酸度同洋蔥嘅甜度比例平衡，配搭牛肉嘅陳香同昆布嘅umami，實際上意外地令人開胃。面頭嘅食用花帶嚟嘅視覺效果加上味蕾嘅沖擊，一啖入口已經感覺到今餐有食神。第二道菜茶碗蒸配Irish Soda Bread & Brown English Butter。茶碗蒸上面各種脆口蔬菜嘅甜味，配合嫩滑高湯蒸蛋嘅鮮味，驚喜之處在於底層軟糯黏稠嘅花膠，呢個口感三重奏真係不得了。選用傳統中式乾貨食材再以日式手法烹調，的確高招。Irish Soda Bread係餐廳招牌之一，質地軟熟到似蛋糕多過麵包。切開一半搽上caramel焦香嘅English Butter，十分滿足。主菜有香煎本地三黃雞同牛油泡浸石斑魚
頭盤Seaweed Tartlet，以脆身乾昆布造底，配上熟成和牛粒同埋焦糖化洋蔥。當你以為咁樣嘅食材作為頭盤好重口味，醬汁嘅酸度同洋蔥嘅甜度比例平衡，配搭牛肉嘅陳香同昆布嘅umami，實際上意外地令人開胃。面頭嘅食用花帶嚟嘅視覺效果加上味蕾嘅沖擊，一啖入口已經感覺到今餐有食神。
第二道菜茶碗蒸配Irish Soda Bread & Brown English Butter。茶碗蒸上面各種脆口蔬菜嘅甜味，配合嫩滑高湯蒸蛋嘅鮮味，驚喜之處在於底層軟糯黏稠嘅花膠，呢個口感三重奏真係不得了。選用傳統中式乾貨食材再以日式手法烹調，的確高招。Irish Soda Bread係餐廳招牌之一，質地軟熟到似蛋糕多過麵包。切開一半搽上caramel焦香嘅English Butter，十分滿足。
主菜有香煎本地三黃雞同牛油泡浸石斑魚。呀叔最怕食雞胸，但呢塊先用低溫慢煮再以猛火香煎外皮嘅雞胸油香肉汁十足，令我諗起之前喺Amber食過嘅同款料理，兩者五五波不相伯仲。配菜嘅酥炸雞腎同香煎白泡菜都十分出色。石斑魚低溫油浸緊緊熟，咬落水嫩無渣。配上蒜香蘆筍汁、白蘆筍粒同埋大根燒，非常鮮甜。
甜品伯爵茶吉士撻味道正常發揮但表面焦糖略嫌太厚，難以用叉𠝹開優雅進食。煉奶雪糕奶味香濃，但調味過咸影響整體味道。甜品表現稍為遜色，如此作結實屬可惜。
另外值得一提嘅係餐廳有個溫室櫃種香草，完全體現到farm-to-table嘅理念，因為個農場就喺眼前。埋單每位$380加一，咁嘅價錢絕對俾到超班質素。呢餐中日法fusion菜呀叔approve。聽侍應講餐廳嚟緊會轉menu，之後有機會呀叔會返啅再試佢嘅full tasting menu，同埋隔離嘅姐妹店Aulis。
Post
