Video
Read full review
2015-07-05
14465 views
第一年既拍拖紀念日，男朋友本來話要帶我去食個浪漫晚餐 ，但揀来揀去，有情調而又高尚既西餐廳，main course通常都係牛扒 ！豬仔知我皮膚敏感戒食牛肉，所以改為向buffet著手，揀左帝苑酒店既”雅苑座”。帝苑的浪漫~怕羞仔巧緊張，一個月前已經諗定兼book埋枱 ，仲話指定要坐係園林區，侍應生就話座位係先到先安排，所以豬仔6點未半就已經拖住我去攞位嘞 ！椰林樹影既花園雅座 ，第一時間映入眼簾！微微柔和既射燈，越南風味既大吊燈籠，映照著中央既水池，猶如身處伊甸園 啊！我地咁早到，當然坐到心儀區 喇！坐低無耐，體貼既侍應生就來幫我地既椅背套上椅套。時間尚早，影下相先 ，唔少得影返d温馨合照，友善既侍應生仲話唔夠可以再影多几張呢 ！之後侍應生交左兩張綠色卡仔俾我地，温馨提示話一陣buffet開場，記得去攞鮑魚 呀！每枱每人限量一隻既蠔皇翡翠扣鮑魚，炆得夠腍又入味， ！巡場一圈，發現有巧多美食呀 ，奈何眼濶肚窄，睇怕每樣食一件都食唔晒喇 ！一於食我至愛既熱盤先 : -羊架 : 厚肉質嫩，少羶味！香煎大蝦 : 彈牙好味！鵝肝多士 : 鵝肝厚厚的，入口即溶又
帝苑的浪漫~
怕羞仔巧緊張，一個月前已經諗定兼book埋枱 ，仲話指定要坐係園林區，侍應生就話座位係先到先安排，所以豬仔6點未半就已經拖住我去攞位嘞 ！椰林樹影既花園雅座 ，第一時間映入眼簾！微微柔和既射燈，越南風味既大吊燈籠，映照著中央既水池，猶如身處伊甸園 啊！
我地咁早到，當然坐到心儀區 喇！坐低無耐，體貼既侍應生就來幫我地既椅背套上椅套。時間尚早，影下相先 ，唔少得影返d温馨合照，友善既侍應生仲話唔夠可以再影多几張呢 ！之後侍應生交左兩張綠色卡仔俾我地，温馨提示話一陣buffet開場，記得去攞鮑魚 呀！每枱每人限量一隻既蠔皇翡翠扣鮑魚，炆得夠腍又入味， ！
蠔皇翡翠扣鮑魚
219 views
0 likes
0 comments
羊架 : 厚肉質嫩，少羶味！
香煎大蝦 : 彈牙好味！
鵝肝多士 : 鵝肝厚厚的，入口即溶又唔會膩，多士夠香脆，連食兩件！
黑松露蛋白多士 : 松露味濃厚。
薑葱蠔 : 夠鮮味。
香煎龍脷魚柳 : 啖啖厚魚肉。
清蒸海斑: 唔夠嫩滑，有點腥！
美國特級燒牛肉 : 豬仔切左一小塊俾我試下，似五成熟，超級鮮嫩，牛味十足，仲好juicy添！
串燒有巧多款 ，計有粟米、南瓜、茄子、甜蕃薯、鮮菇、牛脷、蝦等等，我剩係揀左雞軟骨，有咬口！
見到有巧多唔同種類既腸呀 , 每款試，大致上差不多味道，較深刻既有雞骨腸 ，皮夠香脆，好口！
海鮮墨魚汁飯 : 有魚、蝦、鱿魚圈等等鮮味海鮮，墨魚汁飯帶點硬身，味道唔錯！
燒味部有海南雞飯、叉燒、燒豬、雞、鴨、紅腸等等美食，但肚仔唔爭氣，放棄晒 ……特別係嫩滑海南雞飯 ，都無位試！
仲有西班牙白毛豬風乾火腿伴哈蜜瓜、即煮貝類、海鮮 等，我諗要揾日再來試嘞 ！
149 views
0 likes
0 comments
食下剌身壽司先 , 刺身櫃有吞拿魚、八爪魚、魚、油甘魚等，我剩揀至愛既三文魚，肥厚味美！估唔到有火炙壽司 ，我揀左玻璃蝦、鰻魚、左口魚來食，師傅係咁咦燒左几下，火喉似乎唔多夠囉, 賣相變白左, 唔夠靚仔 ，不過d刺身好好食，舊飯亦夠黏係真既 ！
刺身、火炙壽司
144 views
0 likes
0 comments
煙三文魚 : 賣相靚仔，卷成一朵朵，激似花之戀 喎，厚身鮮味，鹹度適中！
藍青口 : 夠新鮮。
阿拉斯加長腳蟹 : 味道淡，肉質剛好，但唔夠鮮甜。
麵包蟹 : 蟹鉗肉爽甜。
冷盤、海鮮
114 views
0 likes
0 comments
美國芝士餅 : 芝士味的確濃郁，質感實中帶膩，唔夠幼滑，唔係最好！
拿破侖 : 有吉士、士多啤梨、藍莓等，層次夠酥脆！
藍莓芝士餅 : 甜度剛好！
蜜桃批 : 比較甜，餅身較軟腍。
朱古力蛋糕 : 朱古力味淡，蛋糕唔夠鬆軟。
蛋糕
121 views
0 likes
0 comments
朱古力班尼斯 : 朱古力味剛好！
芒果奶凍 : 帶點酸甜，奶味淡。
果仁奶凍 : 果仁香脆，奶味淡。
甜品
131 views
0 likes
0 comments
班蘭味班㦸加H記芒果雪葩
141 views
0 likes
0 comments
Last round, 食埋d生果先, 西瓜、哈蜜瓜夠鮮甜多汁，火龍果唔夠甜, 蜜瓜就無試到嘞。
場内不時嚮起悦耳動聽既琴音，琴師不時自彈自唱一些懷舊情歌，燭光映襯下，巧浪漫 啊！間中有個別客人點唱生日歌，歡樂之聲，響之不盡！
謝謝豬仔 ，帶我過左一個浪漫既晚上 ！
Post
