room68 (Closed)

食飽飯又想飲杯野，太夜費事飲咖啡，揀左呢間位於東南樓頂樓的【room68】飲杯夜茶，估唔到喺油麻地會有間咁高雅的茶室，更加突顯城市藝術的美態。具有新舊融合的環境，分上下層，上層可以望到景，擺放著充滿設計感的家具、「清明上河圖」；下層較Cozy，帶點懷舊風的Band房器材及小品，每處都散發出濃厚的藝術氣息。支持本土品牌，阿比‧手造主打無添加的乾果果茶、手工乾果。除左茶類，亦有本地釀製手工啤「吹啤啤」，啤酒名改得好搞鬼，有創意亦充滿本土情懷，搵次要黎試試。《活力再生果茶 $48》有西柚、橙乾，大大塊賣相幾靚，味道幾香、幾Brightening，有種解膩感。《美白養顏果茶 $48》有青檸、檸檬、奇異果，呢杯Citrus爲主，略嫌有d酸同苦澀，感覺好濃縮，加多幾次水或者會好飲d。