Running 燒 (Closed)

已經好耐冇食韓燒啦，天氣開始凍，就好想食BBQ，又唔想出去出面室外嗰啲，所以就去將軍澳間Running燒度食，呢度選擇超多，scan qr code就可以點菜，唔單止有唔同肉嘅選擇，仲有好多小食同飲品，真係任君選擇！環境都幾好，唔似有啲韓燒地下會痴淋淋，呢度好乾淨，keep住有人清潔，所有出面buffet位有有蓋蓋住，衛生真係好重要，尤其係呢個時候！食物質素方面都好高，啲醬汁醃得啲肉幾好食帶出肉嘅鮮甜味，五花肉大大塊燒熟左嗰邊脆脆地，肥瘦適中又香口又好味！儿啲醬油醃過嘅肉牌味道濃郁，燒完好惹味！呢度嘅半自助沙律吧甜品吧都好吸引，有唔同種類嘅甜品，包你食完肉之後仲好滿足，而前菜方面亦都有好多選擇，仲有養生雞湯添，以呢個價錢來講真係好抵食！