Brooklyn (Closed)

平日Lunch 約咗朋友喺MOKO，好耐無去個度食飯，見open rice 呢間餐廳未去過，野食又好似ok，姑且試下。12點半去到好彩仲有位，salad bar $88連飲品，加個main course 都只係$10-$40，幾瓦都加個軟殻蟹繪飯同明太子意粉。之後出去salad bar,湯有兩款，羅宋同磨菇，菜有好多款，例如貴價嘅羽衣甘藍、另外仲有紅菜頭、南瓜、辣椰菜花等多款菜，仲有火腿、薯仔、芝士、薯條同炸雞粒同大量醬汁任選。沙律菜全部都好新鮮，磨菇湯幾rich，忍不住再排。軟殻蟹飯不過不失，明太子意粉賣相貴氣，有少許海膽同三文魚子，意粉味道幾creamy。至於飲品可選咖啡或茶或可樂。俾起同樣提供semi buffet 既mr steak ，個人認為無論salad bar 同主菜嘅質素都較佳。PS 好彩12點半到，一點鐘無論等位定salad bar都排長龍。