夢見屋 (Closed)

平日經過上環都見到呢間餐廳，佢有日式抹茶，個樣好似好Pro咁，希望可以一解我北海道之苦..今次食左....1) 蒲燒鯛魚茶漬飯定食 其實叫之前有小小擔心唔好食啦，因為始終唔係咁多香港人接受茶撈飯，但見佢張相咁靚，一餐半餐就試O下佢。鯛魚 : 好香同幾滑，而且佢D皮既部份係連住小小JELLY咁，好正!飯 : 有烘過O家，所以都幾香口配菜 : 有海帶、紫菜、卜卜脫既類似日式米通熱茶 : 都ok熱，而且之前都擔心唔夠味，但出黎既效果係出奇地好!加分位 : 個set入面有wasabi，佢係鮮磨既，加落飯到唔算辣但好香2) 蒲燒鰻魚丼鰻魚 : 中規中矩飯底 :  日式珍珠米，之所以叫佢既原因係.....佢成個飯都有汁，上之前D飯已經好似用汁煮咁，而唔係加D汁上去因為跟左餐，所以2位都有粟米湯送，味道一般唔算突出。綠茶雪糕抹茶 : 呢個跟餐之外要再加$18，其實都貴o家!不過太想飲!凍咖啡 : 都係咁啦，不過不失。焦糖香蕉撻 : 本人好喜歡呢個，因為有香蕉片o係蛋糕中間，加上佢有大量既cream，係晒我杯茶，個餅底係朱古力o家，又好好食。檸檬芝士撻 : 好清新既檸檬味，而且酸味好夠，先生好鍾意食。