品越越式料理 (士丹利街) (Closed)

星期六，去中環行下街，一個人，想快快趣趣食完繼續血拼，行到呢條街，都幾多嘢食，不過今日實在熱到飛起，想食d清爽d嘅嘢。所以貢上嚟，一心就試下個撈檬。唔想食咁多肉，所以就點咗腐皮蝦卷撈檬加杯椰汁。10分鐘左右就有得食，賣相幾好，份量都大。一啖咬個腐皮脆卜卜，包係入面d蝦膠都幾單牙。加埋辣椒同撈檬d酸汁，好好味，夏天食一流，不過對我嚟講，份量都多，都係食唔哂。至於杯椰汁，唔稀嘅話，已經好好飲啦。整體都幾好吖！