Video
Read full review
2021-11-04
231 views
星期一晚約咗朋友吹水食飯，希望可以一解Blue Monday嘅憂鬱。佢同我講：燃點香煙喝淡酒，所有不快都溜走(if you know what I mean)😹，並提議去位於中環嘅酒吧餐廳「Say Hi Bar & Dining」。我聽完個gag都即刻開心返😜。呢度環境好Chill，一出𨋢就已經見到好大個月亮🌕。佢設有室外座位，但實在太搶手，今晚無機會坐到，不過室內部份都好舒服㗎。餐廳主打多國菜，你可以喺度搵到台式蠔餅、日式飯團同埋西式牛扒等，總有一款啱食🍽🥢。菜式設計明顯有花上心思，富有自家特色，唔係四周圍都食得到。雖然餐廳位處中環，但價錢都唔算好貴。窩蛋和牛一丁Pizza($118)，其實我哋有啲猶豫嗌唔嗌呢道菜式好，因為驚係噱頭嘢，會中伏🙈。不過佢嘅味道絕對係喜出望外！公仔麵餅取替傳統薄餅底，🍕口感幾得意，邊邊位微脆，而中間部份厚身啲反而仲好食，因為夠軟，又索味。餸料方面，窩蛋牛肉簡直係香港嘅美食代表之一，估唔到和牛肉碎嘅牛味都咁濃郁🐮，配埋芝士🧀同溫泉蛋🍳一齊食無得輸，勁惹味。柚子蜜烤無骨鴨丨燒椰菜花丨燒蓮藕($198)，聽見無骨兩個字就覺得吸引好多❌🦴，哈哈。烤鴨份量幾多，有
星期一晚約咗朋友吹水食飯，希望可以一解Blue Monday嘅憂鬱。佢同我講：燃點香煙喝淡酒，所有不快都溜走(if you know what I mean)😹，並提議去位於中環嘅酒吧餐廳「Say Hi Bar & Dining」。我聽完個gag都即刻開心返😜。
呢度環境好Chill，一出𨋢就已經見到好大個月亮🌕。佢設有室外座位，但實在太搶手，今晚無機會坐到，不過室內部份都好舒服㗎。
餐廳主打多國菜，你可以喺度搵到台式蠔餅、日式飯團同埋西式牛扒等，總有一款啱食🍽🥢。菜式設計明顯有花上心思，富有自家特色，唔係四周圍都食得到。雖然餐廳位處中環，但價錢都唔算好貴。
窩蛋和牛一丁Pizza
$118
16 views
0 likes
0 comments
窩蛋和牛一丁Pizza($118)，其實我哋有啲猶豫嗌唔嗌呢道菜式好，因為驚係噱頭嘢，會中伏🙈。不過佢嘅味道絕對係喜出望外！公仔麵餅取替傳統薄餅底，🍕口感幾得意，邊邊位微脆，而中間部份厚身啲反而仲好食，因為夠軟，又索味。餸料方面，窩蛋牛肉簡直係香港嘅美食代表之一，估唔到和牛肉碎嘅牛味都咁濃郁🐮，配埋芝士🧀同溫泉蛋🍳一齊食無得輸，勁惹味。
柚子蜜烤無骨鴨
$198
29 views
0 likes
0 comments
柚子蜜烤無骨鴨丨燒椰菜花丨燒蓮藕($198)，聽見無骨兩個字就覺得吸引好多❌🦴，哈哈。烤鴨份量幾多，有兩大件，由於去咗骨，我都唔係好分得出佢係邊個位置，不過皮脆肉嫩，抵讚。烤鴨以柚子蜜調味🍊，佢並唔係就咁淋啲汁上去，而係直頭用嚟醃製，所以每啖都滲透出絲絲甜味，好正。鴨肉以外有唔少配菜，包括椰菜花、蓮藕同薯蓉等，成道菜夾埋食好完整啊！
欖油香辣菠菜苗靈芝菇意大利麵
$158
8 views
0 likes
0 comments
欖油香辣菠菜苗丨靈芝菇意大利麵($158)，呢款意粉無肉，適合素食人士💚。麵條偏幼身，口感Q彈有嚼勁，條條分明，齋講意粉部份已經好出色🍝。同時，醬汁係用上香辣欖油，而非忌廉或茄醬，所以食落清爽，唔油膩，但要留意返佢嘅辣度都幾顯著🌶。意粉夾雜住幾多配料，例如有菠菜苗、靈芝菇、洋蔥同蕃茄仔等，相當豐富。
Ginzulization
$138
9 views
0 likes
0 comments
總括嚟講，Say Hi Bar👋 好高質，各方面都令人滿意。無論嚟食嘢定飲嘢，佢都係一個好選擇！嚟呢度除咗Say Hi to friends, but also good food and vibes✨，推介！
Post
