School Food (Closed)

沙田新城市入面好多都係連鎖餐廳，但都有唔少係好食的連鎖餐廳，而School Food 算係其中水準都唔錯的，今日就同朋友去左School Food 食晚餐。烏卒卒 - 記得好耐之前第一次食係覺得驚為天人，但而家食只係覺得味道正常，墨魚仍然彈牙，仲係值得一試的。火爆雞肉鐵鍋飯 - 雖然餐牌寫的辣度係4粒星，但唔算太辣，材料豐富，但鐵鍋飯配生菜好似有少少唔太似韓式咁，但味道係正常的。辣皇炸豬扒炒年糕 - 食左一半先記得影相，但其實賣相係唔錯的，雖然D個真係好辣，但辣得好好食，辣得來有D甜味，配炸豬扒同炒年糕都一流。炸豬扒皮吸收左辣醬的精華，爽脆口感加上甜甜辣辣簡直係夢幻配搭，誠意推薦俾食到辣的朋友。整體而言，餐廳環境舒適，而且食物質素都唔錯，係同朋友食飯的好選擇。