MGB by Manhattan Grill & Bar (Closed)

個frd閉關咗一個月準備考試，今日終於破關而出！加上仲有一個星期佢就生日，咁就豪啲請佢食個semi-buffet!一入門口就見到Buffet Corner，有甜品，有沙律，有餐湯，有糖水，仲有Pizza，都算幾豐富！一坐低就睇下個menu有咩食，落完order就同個frd前後腳到buffet corner攞嘢食！啲沙律好新鮮，而且啲汁味道剛剛好，我來回食咗幾轉！食完沙律就叫人上飲品同主菜，我飲果杯蜜桃薄荷茶味道清甜，而且涼涼哋~牛扒我要7成熟，肉煮到剛剛好，好嫩同有肉汁，但又唔會有血腥味。朋友就食黑毛豬，切果陣都幾硬，心諗食落口會唔會硬過石頭，但原來只係外層硬，但裡面啲肉好軟熟好冧，而且好有豬味。食完主菜，又去buffet corner食埋甜品，每款一件，細細件剛剛好，幾款蛋糕之中，我比較鍾意食藍莓蛋糕。食完好滿足捧住個肚走，之後繼續行街街。