Video
Read full review
2004-09-14
9 views
早排響雜誌見到The Caf搞左個semi buffet, 一來Ritz Carlton 好少做, 而且間酒店咁高檔, 有d信心; 二來佢既semi buffet賣點係海鮮, 開正我果瓣, 於是決定一試.The Caf既環境好好, 初頭覺得檯擺得迫左少少(可能係做buffet既關係而加左檯?), 不過坐落又覺得ok, sofa位同餐椅都好舒服, 始終佢原本係比人慢慢嘆既coffee shop, 有別於以buffet為主既地方.跟住就入正題喇, 先拎生蠔. 當日有3款, 分別係Tasmanian, Cliff Bay & Belon. Buffet有Belon供應, 都幾令人感動. 我唔係好識食蠔, 但肯定新鮮. 聽到有其他食客話, 淨食生蠔都回本啦, 我都好同意. 不過食到中段既時候, 我地encore Belon, 發現無第1 round 食果陣咁鮮甜. 遲到既友人真係唔好彩了~~刺身同壽司既選擇亦唔少, 有三文魚、吞拿、油甘、鱆紅、甘蝦、帶子等等. 我地一致特別推介吞拿, 見佢色澤紅潤有油光, 已知係好野.跟住出場既有開邊龍蝦, 淨係睇到佢d膏都已經叫人興奮! 當然唔係隻隻都係咁,
The Caf既環境好好, 初頭覺得檯擺得迫左少少(可能係做buffet既關係而加左檯?), 不過坐落又覺得ok, sofa位同餐椅都好舒服, 始終佢原本係比人慢慢嘆既coffee shop, 有別於以buffet為主既地方.
跟住就入正題喇, 先拎生蠔. 當日有3款, 分別係Tasmanian, Cliff Bay & Belon. Buffet有Belon供應, 都幾令人感動. 我唔係好識食蠔, 但肯定新鮮. 聽到有其他食客話, 淨食生蠔都回本啦, 我都好同意. 不過食到中段既時候, 我地encore Belon, 發現無第1 round 食果陣咁鮮甜. 遲到既友人真係唔好彩了~~
刺身同壽司既選擇亦唔少, 有三文魚、吞拿、油甘、鱆紅、甘蝦、帶子等等. 我地一致特別推介吞拿, 見佢色澤紅潤有油光, 已知係好野.
跟住出場既有開邊龍蝦, 淨係睇到佢d膏都已經叫人興奮! 當然唔係隻隻都係咁, 睇你彩數啦. 唔算非常鮮甜, 但肉質結實彈牙, 已經好滿足. 龍蝦仔仲正, 落左少少香草, 令到味道更加突出, 入口鮮美爽甜. 阿拉斯加蟹腳亦正, 啖啖肉得黎唔會死鹹. 沙律既選擇唔算多, 不過我相信無人會complain.
呢個semi buffet每人仲有一個主菜, 有4款選擇, 我地岩岩4個人, 於是就叫勻share黎食. 個grilled salmon外層香脆, 有油香, 唔腥, 平時唔鍾意食既我都話好. 白汁pasta就ok啦. 巴東牛肉個汁好味, 牛肉都鞋同un. 最後係......釀豆腐!!! 呢個我真係投降, 無食, no comment.
甜品方面, 選擇唔算多, 有d本身個賣相唔錯, 但一”手畢”起就爛左, 所以拎到番埋位有d樣衰, 但係overall味道都幾好架.
餐後既coffee/tea亦都無欺場. Iced tea用既唔係普通冰, 而係用茶整番既冰, 包保唔會愈飲愈淡. Hot tea有好多選擇, 我地分別要左earl grey, English breakfast & green tea, 全部都係用茶葉泡既, 最岩食飽之後一面傾計一面慢慢嘆.
除左食物之外, 我地對佢地既服務都好impressed. Buffet檯有專人stand by, 介紹菜式之餘, 響可能既情況之下仲會落手幫你拎埋. 如果見到某種食物無晒, 只要出聲問佢地, 都會即刻幫你整, 所以唔會話有d貴價食物無refill, 或者要搶食既情況.
Post