Seoulmate (京都廣場) (Closed)

位於銅鑼灣既核心地帶，方便不同既人，Cafe去過唔少，但又有意粉又有韓國野既真係第一次。先講講環境，去到都唔算太多人排隊，可能閒日，但入到去都係滿座的，每枱都係三五知己坐埋一枱的，唔同年齡階層都有，而且設有室外雅座，環境一樣優美。卡邦尼炒韓式年糕，利用卡邦尼汁令平平無奇既年糕帶出新意思，新生氣，再係年糕上放上生雞蛋皇，將全部搞拌，立即變得黃金閃閃，口感好煙銀，相比起食意粉依一個創新好多。份量岩岩好，因為卡邦尼個汁比較濟所以太多反而會食唔到其他野。再黎一個小食大拼盤，分別有法式蛋撻，口感同一般蛋撻有分別外脆內軟。炸雞，皮脆肉嫩，炸既程度岩岩好，令到唔會過分老。炸蝦球，配上沙律醬酸酸甜甜10分開胃。炸甜薯條，粗身薯條口感特別好，而且炸嘅時間岩岩好，香口，配上甜酸醬去炸感覺十分特別。沙律，永遠都係咁好食10分開胃，而且放喺炸雞及炸薯條底下，醬汁流落沙律令到十分特別。最後係飲品方面，草莓芝士奶蓋及Oreo芝士奶蓋。兩種都係非常特別飲品而且係近年來才興起既一種飲品，你永遠都估唔到原來芝士放喺甜嘅飲品上面係咁match，草莓控既我覺得呢杯芝士奶蓋真係好好好好飲！