Video
Read full review
2019-02-24
396 views
日式肉汁芝士蛋包飯 $88蛋包飯黎講 LDK唔算貴 質素都有返咁上下蛋包飯有兩樣野比較緊要 一係蛋 二係汁先講蛋 最低要求當然係唔可以老 火喉一過真係會毀左成個飯 話有返咁上下即是蛋肯定過關啦 雖然未係食過最嫩 都叫唔錯 蛋上面既海苔碎唔算多 點綴效果多於吊味汁方面食完我都講唔出係咩汁 不過都處理得ok 味濃得黎唔會太漏 本來都怕有啲膩點知又唔會至於說好的芝士 唔講唔覺 原來係同蛋混左一齊 效果又幾好喎 雖然減底左蛋既嫩滑度 但就多出幾分口感 加上芝士又係我鍾意既 分已加金玉其外不過就無敗髓其中 蛋包住既飯紅紅地 食落都似係西炒飯底 個人蛋包飯食法係蛋連汁連飯均勻地一齊食 口感豐富得黎又juicy辣豚肉担担湯烏冬 $88本來叫一飯一甜品當二人晚餐 食落覺得仲有quota就加點一份烏冬呢個烏冬有啲新意 担担麵食唔少 依家變左担担烏冬 而且出現係西式餐廳 因為想食啲湯麵所以先叫 好在無中伏 可以一試担担麵精萃當然要數獨特既湯底 呢份烏冬就無咁花生口味 落左既兩片蕃茄令佢有少少蕃茄湯元素 反而肉醬食落口係幾担担麵風 另有唔少蔥絲同洋蔥 多返少少唔同口感烏冬驟眼睇以為係稻庭烏冬 一食就知原來唔
日式肉汁芝士蛋包飯 $88蛋包飯黎講 LDK唔算貴 質素都有返咁上下
蛋包飯有兩樣野比較緊要 一係蛋 二係汁
先講蛋 最低要求當然係唔可以老 火喉一過真係會毀左成個飯 話有返咁上下即是蛋肯定過關啦 雖然未係食過最嫩 都叫唔錯 蛋上面既海苔碎唔算多 點綴效果多於吊味
汁方面食完我都講唔出係咩汁 不過都處理得ok 味濃得黎唔會太漏 本來都怕有啲膩點知又唔會
至於說好的芝士 唔講唔覺 原來係同蛋混左一齊 效果又幾好喎 雖然減底左蛋既嫩滑度 但就多出幾分口感 加上芝士又係我鍾意既 分已加
金玉其外不過就無敗髓其中 蛋包住既飯紅紅地 食落都似係西炒飯底 個人蛋包飯食法係蛋連汁連飯均勻地一齊食 口感豐富得黎又juicy
辣豚肉担担湯烏冬 $88本來叫一飯一甜品當二人晚餐 食落覺得仲有quota就加點一份烏冬
呢個烏冬有啲新意 担担麵食唔少 依家變左担担烏冬 而且出現係西式餐廳 因為想食啲湯麵所以先叫 好在無中伏 可以一試
担担麵精萃當然要數獨特既湯底 呢份烏冬就無咁花生口味 落左既兩片蕃茄令佢有少少蕃茄湯元素 反而肉醬食落口係幾担担麵風 另有唔少蔥絲同洋蔥 多返少少唔同口感
烏冬驟眼睇以為係稻庭烏冬 一食就知原來唔係 因為好彈牙幾有咬口 睇該係比稻庭烏冬只稍粗少少既手打烏冬 都岩我口味既
食物以外要讚一下店員既服務 烏冬我係後加既 見我係share食自動波幫我換過set餐具 見我相機食緊就攞住餐具係隔離等左陣 有耐性又無西面 後來食甜品又係咁 斟水又殷勤 我以為水污糟又好快幫我換過杯 跟住有解釋水中黑點係因為佢地用碳水 服務水平值得一讚
和風抹茶法式吐司 $78
其實黎LDK我係想食梳乎里pancake 點知五點後就無左 唯有試其他甜品
價錢方面唔算平都唔算貴 比較起食物質素我覺得都叫物有所值
主材料法式吐司外脆內軟 有別於甜品店常見既方形扁身處理 外表更似麵包店賣既原個厚身果種 加熱左既內裡又夠嫩 配上糖漿除左添左幾分甜 又更易入口 唯一需要擔憂係大大件第二個胃夠唔夠裝
叫得和風抹茶自然要有返球綠茶雪糕 雪糕綠茶味濃 凍得黎唔會雪得太硬易入口 我個人係同cream同多士一齊放入口 另一和風體現在賣相似雪糕既紅豆球 份量唔少 所以我係覺得食材用料無留手 抵返個價
其實呢份多士仲有另一個期間限定版本 用士多啤梨取代綠茶 而且有真日本士多啤梨伴碟 不過價錢就貴唔少 而且同pancake一樣tea time先有供應 我都係覺得呢份抵玩好多
Post
