Bistro NTT by Attic

Open Now

Now Closed

嚟到浸大除咗返學之外仲可以搵食，因為係正浸大旁邊就有間意大利餐廳，唔難搵而且港鐵行過嚟都唔算好遠，最緊要係抵食夾大件加好味道🤤。是日餐湯佢哋嘅餐湯賣相除咗靚之外味道亦有返咁上下，忌廉味夠晒濃郁，口感夠滑。63°C 溫泉蛋配松露忌廉炒雜菌周圍係松露忌廉炒雜菌，然後中間放上大大隻溫泉蛋，雜菌沾上蛋汁後口感變得好香滑，仲有陣陣松露香加上香口惹味炒嘅雜菌，作為前菜十分出色。粗切薯條配松露蛋黃薯條嚟講粗切真係好味好多，炸得啱啱好夠脆夠香口，醬汁有松露蛋黃醬同埋茄汁、可以視自己口味選擇。黑松露大啡菇雜菌手打意粉食材除咗意粉外全由菌類組成，有黑松露增強整體香氣，大啡菇令口感大幅提升，仲有雜菌豐富整體層次，意粉本身亦做得好掛汁，味道唔錯。香烤西班牙伊比利亞黑毛豬肉，黑醋砵酒燴梨，醋漬青提子，烤得好香好juicy嘅黑毛豬，最鍾意佢帶有少少焦香味，醬汁甜甜酸酸咁令人越食越開胃，旁邊嘅配菜亦十分出色，青提子香甜爽脆，燴梨除香甜外帶微酸，薯蓉同大蔥亦煮得好好味。