i CREMERiA Café (Closed)

今日係朗豪坊行街，經過呢度又心思思想食雪糕，見到做緊Set dinner，有湯/salad+主菜+野飲，價錢都係百零蚊，重點係+$30有迷你芭菲，於是即刻入去試下!雖然6點幾但仲有d陽光，係窗邊有d自然光透入黎感覺勁chill勁舒服!我地叫左兩個set，一個要餐湯一個要salad，各有麵包伴碟，餐湯係我至愛既南瓜湯~夠creamy又食到南瓜蓉~salad醬汁幾特別，菜都夠新鮮!蕃茄大蝦青口意大利麵醬汁好杰，每一啖意大利麵都掛哂汁，好濃味，雖然係蕃茄醬但一d都唔酸，甜甜地好開胃，大蝦有兩隻，新鮮彈牙又唔會霉，青口夠大隻，配埋醬汁食好正!意大利牛肝菌雲吞好少地方有意大利雲吞食，所以見到呢度有就一定要試下啦!醬汁同蕃茄大蝦青口意大利麵既醬汁一樣根杰身，好香濃既芝士味~咬開一口雲吞，濃郁既牛肝菌味隨之而來，最初見到得幾件以為實唔夠食，但因為醬汁同牛肝菌夠杰身，食哂成碟係好飽的!白玉紅豆抹茶芭菲呢個就係跟餐+$30既迷你芭菲，可以自選兩種toppings~我就揀左白玉同紅豆~白玉煙煙韌韌本身冇咩味所以同甜甜既紅豆係絕配!抹茶雪糕還是一貫既好味!雖然話係迷你，但其實份量都唔少，呢$30建議一定要加