The Balcony (Closed)

中秋前夕同男朋友食返餐好既。我地揀左Set dinner for two $638+1。廚師精選沙律有沙律菜、鴨胸、蜜桃，配黑醋汁，酸酸地好開胃。前菜揀兩款。法式焗田螺配黑松露及日式芥末茨茸好好食，薯蓉同田螺一啖擺入口，美味可口。凍八爪魚配牛油果番茄醬係冷盤，八爪魚彈牙，同酸酸甜甜既番茄醬幾夾。秘製龍蝦湯唔係行creamy路線，果然比較唔同。到主菜啦。新西蘭鱈魚配泡菜茨茸泡菜薯蓉幾特別，鱈魚肉質彈牙，有兩大舊南瓜伴碟。西班牙豬扒配香菇意大利飯豬扒唔韌，意大利飯屬於偏硬個種，有𡁻口。精美甜品拼盤有芒果椰汁奶凍、藍莓、Opera。全部細細件，我鍾意opera，不過大件啲就好啦，唔夠喉。餐飲叫左凍奶茶同熱咖啡。