神石燒牛扒水產專門店 (淘大商場1期) (Closed)

我本身唔食牛，但又想支持下啲良心食肆，所以間中都幫襯下，但只能選豬肉、魚類，選擇較少，若果可以間中換下唔同款嘅非牛肉set就好。無坐低堂食過，食咗幾次都係外賣自取。服務幾好，店員會主動幫忙用門口嗰部機落單。黑毛豬好有驚喜，肉質鮮嫩多汁，醬汁亦好開胃。秋刀魚都好味嘅，有兩大條，但始終感覺無咁有特色。有次貪新鮮，叫咗比較少見嘅池魚，就唔係太啱我口味，不過屋企人覺得ok。跟餐嘅沙律正常，之前做promo仲送嘢飲。米飯應該係日本米，口感唔錯。份量挺足夠，價格算合理，可以一試。