亞來街 (Closed)

今日中午放飯，同事們行來行去，最終走入呢馬來/東南亞餐廳。亞來不嬲中規中矩，所以可以安心食嘅。我點了蠔仔方魚湯飯，同事們點了喇沙紮肉摻摻同青咖哩雞飯。全部都有跟飲品。凍奶茶自動同我哋講用煉奶，幾有heart吖。我個湯飯一上，大大碗，用小蠔仔，料多，仲有幾片方魚，浸咗湯人仲脆脆的，正！個湯底用魚湯，冇乜味精味，讚！本來驚我食湯飯會唔飽，點知食到尾係超飽的！至於同事們一個喇沙摻摻，湯汁濃，同樣食極都未完，另一個青咖哩雞，一上枱，笑死咗，因為青到瑩光咁嘅色，至於味道，佢話d雞同汁係分開煮，味道一般。