麺屋武蔵 (MOKO新世紀廣場) (Closed)

以前去麵屋武藏，食過佢嘅拉麵、沾麵、叉燒飯同炸雞，都係散叫。近排先知佢原來仲有set lunch，仲要質數唔錯。當中有牛排定食、魚定食、麻醬冷麵或韓式雞肉拌麵等等，所以我地成班同事間唔中都會去幫襯。每次去食，都會最多同事揀牛排定食。因為份量充足，仲可要求加大飯嘅份量，連胃口較大嘅男同事都唔會唔夠飽😂。牛排定食$69包括牛排、飯、前菜、沙律菜、泡菜湯。當中牛排煎得夠香，而且沙律菜夠新鮮。另外嘅炸雞亦相當美味，當中嘅醬汁有少少日本芥末味，有少少沙律醬味，係一大功臣。但可惜每次個汁都俾得好少份量，如果可以俾多D汁就perfect。總括而言，值得推介。