euro go go

Open Now

Now Closed

遲左好多寫食評添其實自己唔係成日食Euro Go Go，哩次咁岩岩好係沙田行街搵野食，見到哩到岩岩好有個雙人位，就揀左係到食啦，不過個間格好似有啲逼，不過落雨無理由要去露天花園到食咖嘛，所以都可以的！我個人比較大食，但係叫左既野食睇落唔多但係食完都覺得飽，讚好！鮮茄煙肉香腸蘑菇意粉：個waitress遞過黎既時候就流哂口水，因為真係好香好有鮮茄既香味，而且熱辣辣真係好吸引！四十四蚊一個套餐。超級pizza：有菠蘿﹑肉碎﹑辣肉腸﹑鮮茄同埋芝士，個口感好好味。而哩個就三十八蚊一個套餐。蒜蓉包：好crispy好香好好味，個人喜好鍾意拎蒜蓉包點下d鮮茄蘑菇，更o野味！百事可樂：個人比較鍾意飲百事多過可口可樂，甜啲同埋冇咁澀。Ice Chocolate Milk：好香好濃好滑，牛奶同朱古力既味各佔一半。哩個要另外加八蚊。