Video
Read full review
2018-08-15
283 views
餐廳新開無耐，但今晚係第二次幫襯！上次第一次係假日，今日即係星期五晚。第一次試純粹因屋企人提議試新餐廳，本身plan 好六點去：一係平時屋企習慣早食晚飯（屋企六點幾開飯），二係將軍澳區假日一過六點，大部分餐廳都係排「長龍」、「中龍」、「短龍」。但最後六點九先到餐廳，眼前屬一條「中龍」。結果等左四十五分鐘，但因餐廳座落大屋苑商場，四十五分鐘行陣唔會覺得好長既。今晚（星期五）屋企人都係七點幾先去，但據聞（因小妹屬遲到的一個）完全唔洗排隊。小妹去到嗰陣已開始菜到：先介紹一下，呢間餐廳菜如其名，絕大部分既菜式係用砂煲上 (連甜品都係，但未試)，碗碟杯都屬砂煲質地，幾得意，裝修係懷舊同摩登既結合！最記得上次一入餐廳，聽到佢播緊「似水流年」，有feel！最快跑出係「竹笙杞子京湯浸時蔬」！竹笙好爽，雖然唔知京湯係咩，但個湯唔會太咸或太淡，白菜唔會太淋身，好足料！上菜速度啱啱好，每道菜唔會隔好耐，幾道菜都係差唔多時間上！之後係豉椒炒大蜆，如下圖，大蜆係大蜆，並非花甲size！99% 係開哂殼，食貝殼類海鮮最怕有大半係殼未打開又或者有沙，但呢個真係okay！屬會番炒既一道菜！有菜有海鮮，跟住係三杯雞煲，
上次第一次係假日，今日即係星期五晚。
第一次試純粹因屋企人提議試新餐廳，本身plan 好六點去：一係平時屋企習慣早食晚飯（屋企六點幾開飯），二係將軍澳區假日一過六點，大部分餐廳都係排「長龍」、「中龍」、「短龍」。
但最後六點九先到餐廳，眼前屬一條「中龍」。結果等左四十五分鐘，但因餐廳座落大屋苑商場，四十五分鐘行陣唔會覺得好長既。
今晚（星期五）屋企人都係七點幾先去，但據聞（因小妹屬遲到的一個）完全唔洗排隊。小妹去到嗰陣已開始菜到：
先介紹一下，呢間餐廳菜如其名，絕大部分既菜式係用砂煲上 (連甜品都係，但未試)，碗碟杯都屬砂煲質地，幾得意，裝修係懷舊同摩登既結合！最記得上次一入餐廳，聽到佢播緊「似水流年」，有feel！
最快跑出係「竹笙杞子京湯浸時蔬」！竹笙好爽，雖然唔知京湯係咩，但個湯唔會太咸或太淡，白菜唔會太淋身，好足料！
上菜速度啱啱好，每道菜唔會隔好耐，幾道菜都係差唔多時間上！
之後係豉椒炒大蜆，如下圖，大蜆係大蜆，並非花甲size！99% 係開哂殼，食貝殼類海鮮最怕有大半係殼未打開又或者有沙，但呢個真係okay！屬會番炒既一道菜！
有菜有海鮮，跟住係三杯雞煲，媽子至愛既雞肉！三杯雞味道有種泰式風情，因加左唔同香椒，好清新同開胃，雞肉好滑，大部分亦去皮，keep fit 既朋友食一兩件都唔怕。
三餸跟住當然要有一飯 —— 煲仔飯！
呢度既煲仔飯幾特別！材料唔係傳統嗰幾款鳳爪排骨、臘味..等，雖然佢都有一兩款係傳統之選，但有得揀，小妹當然揀特式嗰d，再加上...傳統嗰幾款感覺比較肥膩！
上次試左鰻魚櫻花蝦，今次試蒜香海龍皇(姐係海鮮什錦)。有蝦、青口、魚塊、魷魚...美中不足係，比起上次，今次個飯較濕，變左難有飯焦！唔知係因為個材料組合問題，定係廚師今晚失準！？
食後感：小菜新食法，水準中上！
Post
