Video
Read full review
2024-03-27
97 views
#MC帶你去長沙灣.上星期天氣仲涼涼地，梗係捉緊冬天嘅尾巴打邊爐。依間餐廳分別提供日式放題火鍋及一人燒肉，今次就試咗日式火鍋放題。➖➖➖➖➖➖➖➖➖➖➖➖➖➖➖➖✨ 滋味食評.我就揀咗「牛胸腹肉」套餐，見價錢合理又可以食曬牛、豬肉。湯底就試下「山椒味噌鍋」，湯底微微鹹辣，但唔會蓋過牛胸腹肉嘅濃郁肉味同埋油脂感。豚肉片就比較油花均勻，肉質柔軟，口感唔錯。火鍋配料特別推薦麻辣牛丸，肉質彈牙，帶微微麻辣花椒香氣，十分惹味。回本之選就韓國急凍生蠔，任食火鍋甚少提供急凍蠔，所以依個價位嚟講，十分抵食！打卡之選就松蟹長蟹柳，差唔多有前臂咁長！值得一讚，自助火鍋吧的雪櫃冷氣十分充足，保持到食材嘅質素。➖➖➖➖➖➖➖➖➖➖➖➖➖➖➖➖🥢 90分鐘晚市日式火鍋放題套餐.✨ 4種級數套餐設有4種級數（不同價位）的任食牛肉套餐，分別有主打牛胸腹肉、澳洲產穀飼牛肉、極上美國牛小排等套餐。.✨ 特色火鍋湯底提供6款特色火鍋湯底，人氣之選有日式壽喜燒、櫻花蝦豚骨鍋、昆布鰹魚湯、山椒味噌鍋等等。.✨ 自助火鍋吧店內更設有自助火鍋吧，供應多款火鍋配料如有丸類、蔬菜、烏冬、菇類等，選擇非常多！.✨ 熟食除火鍋外，還有任
#MC帶你去長沙灣
.
上星期天氣仲涼涼地，梗係捉緊冬天嘅尾巴打邊爐。依間餐廳分別提供日式放題火鍋及一人燒肉，今次就試咗日式火鍋放題。
➖➖➖➖➖➖➖➖➖➖➖➖➖➖➖➖
✨ 滋味食評
.
我就揀咗「牛胸腹肉」套餐，見價錢合理又可以食曬牛、豬肉。湯底就試下「山椒味噌鍋」，湯底微微鹹辣，但唔會蓋過牛胸腹肉嘅濃郁肉味同埋油脂感。豚肉片就比較油花均勻，肉質柔軟，口感唔錯。
火鍋配料特別推薦麻辣牛丸，肉質彈牙，帶微微麻辣花椒香氣，十分惹味。回本之選就韓國急凍生蠔，任食火鍋甚少提供急凍蠔，所以依個價位嚟講，十分抵食！打卡之選就松蟹長蟹柳，差唔多有前臂咁長！
值得一讚，自助火鍋吧的雪櫃冷氣十分充足，保持到食材嘅質素。
➖➖➖➖➖➖➖➖➖➖➖➖➖➖➖➖
🥢 90分鐘晚市日式火鍋放題套餐
.
✨ 4種級數套餐
設有4種級數（不同價位）的任食牛肉套餐，分別有主打牛胸腹肉、澳洲產穀飼牛肉、極上美國牛小排等套餐。
.
✨ 特色火鍋湯底
提供6款特色火鍋湯底，人氣之選有日式壽喜燒、櫻花蝦豚骨鍋、昆布鰹魚湯、山椒味噌鍋等等。
.
✨ 自助火鍋吧
店內更設有自助火鍋吧，供應多款火鍋配料如有丸類、蔬菜、烏冬、菇類等，選擇非常多！
.
✨ 熟食
除火鍋外，還有任食炸物和關東煮。
.
✨ 甜品
除了任食雪糕、雪條之外，還有日式泡芙。
.
✨ 飲品
任飲多達16款無酒精飲品，包括汽水、道地解茶等。
➖➖➖➖➖➖➖➖➖➖➖➖➖➖➖➖
🥢 牛胸腹肉日本豚放題套餐 $198
.
依個套餐可以任食🥩美國牛胸腹肉、🥩北海道夢之大地豚肉、🥩嚴選牛肉，套餐內的肉類可以用QR code無限任點，方便快捷！
➖➖➖➖➖➖➖➖➖➖➖➖➖➖➖➖
Post
