相馬日式火鍋 (Closed)

位於21樓既日式火鍋店，望出去夜景都不錯 ，再加上不同日式畫，整體環境不錯。一坐底侍應即刻上前解釋如何選擇，先選牛再揀湯底，牛我就揀左美國特選牛肉。而湯底就有六款係不用加錢的，我同媽媽一齊食就揀左豚骨湯，我以為只可以揀一個湯底，點知侍應叫我揀多個，我就揀左中華辣湯，仲提醒我話好辣要吾要少辣。真心覺得侍應好好服務，抵讚！豚骨湯底&中華辣湯豚骨湯底好鮮，吾會好鹹，吾食得辣我覺得絕對係首選。中華辣湯一開始覺得吾係好辣，吾知係咪少辣既關係，好似吾係好夠辣，但湯仲有四五粒吾同既辣椒係上面滾來滾去，越食越辣，好過隱，又吾好淨係辣到麻左，仲食到肉既鮮味。個餐包括有牛、雞、豚肉，之後可再追加牛肉牛切得好薄身，基本上滾幾秒就食得。另外雞同豬，豬都切得好薄身，反而豬有意外驚喜，吸左豚骨湯既味道，肉質又嫩，正阿！另外出面仲有好多疏菜同丸類可選擇，飲品都好多款可以揀。甜品基本一定有雪糕、雪條，尼到仲有朱古力噴泉機，有得玩又有得食！