裕記大飯店

Open Now

Now Closed

話說某日家中最高尚宮同無飯不歡o既飯桶老豆忽發奇想，想到深井食燒鵝去。於是舉家不理黃色暴雨警告下飛的入去，想搵番多年前令全家淪陷的皮脆肉香深井燒鵝。不過，滿心歡喜卻變成滿肚谷氣﹣﹣﹣隻燒鵝，o吾係，應該係雜錦拼鵝，全無水準可言。o吾熱、o吾香、o吾脆係佢o既特色，遲o黎不在話下，食到好似碎屍案重組咁都係第一次。雖然是次係叫半隻，而且都o吾算平，望下間離個Ｄ，有Ｄ仲衰，我應該感謝師傅賜我沒有屁股o既燒鵝，阿彌陀佛，阿門！究竟Ｄ燒鵝脾去o左邊？莫非一如肯德基o既雞一樣，無咁Ｄ部份？但係奇怪o既係，其他小菜竟出奇好味。芝麻檸汁蝦好香口，香芒牛肉粒都o吾錯，蝦醬粉絲蒸鮮魷雖然Ｄ魷魚o吾夠新鮮，但都好鮮味。另外仲叫o左碟菜，一般啦！由於是次主角燒鵝令人大跌眼鏡，其他o野幾好味都補o吾番，乃奉上喊面一張。