歇腳亭 (Closed)

最近發現加拿芬道新開左sharetea，係隔離買完熱辣辣薯條梗係要飲翻杯野，每次我飲ge都係冬瓜檸檬，今次飮樂活水果茶，而爸爸就飲冬瓜檸檬（真係兩父女）。兩杯都少冰少甜。冬瓜檸檬一如既往好飲。雖然唔係咁多人欣賞佢個炒米味咁，但我就鐘情於個個酸酸地又有淡淡冬瓜茶味ge感覺，尤其係夏天，勁消暑！比起冬瓜茶，又無咁甜，止到我對台灣ge思念。樂活水果茶有驚喜，底部有百香果籽，浮面ge係橙肉。攪勻佢岩岩好，唔太甜，飮落去幾清新，之後茶味會慢慢滲出黎，幾正。呢條街完全可以餵飽個零食胃啊！