The Chop House (Renamed) View

Chop house 有好幾個combo係二人份量，餐牌session叫Sharing is Caring，相當有意思😊 無論家人，朋友或情侶都需要有😘我同朋友晚上叫左份slow roasted chicken & smoked baby rib。Rib整得好好👍🏻，外面唔乾，肉亦好軟又保留肉嘅質感。同類型嘅餐廳整依種rib通常都煮得太耐，外面乾，入面熟到離晒骨，超不爽。但依家啱啱好，抵讚！相反雞就整得太乾，亦唔夠味。縱使係燒雞，但帶唔出香味，真係麻麻😒！另外，朋友叫左個burger，份量比較細。朋友話肉質味道都好，burger肉亦好厚身。算合格我地仲叫左個白酒煮青口，青口唔錯，好有肉帶點甜。但係聞唔到酒香撲鼻，亦唔多見到有洋蔥粒，而且個底嘅汁亦好少。可能係煑既時候汁太少，浸唔到青口而入唔到味。如果唔係青口本身都鮮甜，就只係好清淡嘅一個海鮮。Happy hour嘅無酒精飲品都幾抵，而且味道幾好！Colada 不是太甜，外面有d pub整到似藥水。另一杯Cool Mint味道幾清新，薄荷葉加荔枝soda，真係非常Summer feel嘅飮品。