Ăn Chơi

Open Now

Now Closed

夜晚6點幾去到，一場黎到就排下條長隊。已經等左50分鐘，隔多張就到我哋4個女仔，有班外國人（8人）突然出現，唔使3分鐘就直接入左去。因為早兩日我哋有打過電話想訂枱，打左兩日都無人聽。我哋就估呢8位外國人係老闆又好，朋友又好，我哋繼續等。個receptionist 同我哋講，下一張到你哋兩個。我更正佢，我哋有4個人。佢呆左望住我（佢無行過出黎問我哋）然後佢話有兩張分開既枱 問我哋坐唔坐。大佬，10個人要分枱我明，4個人分咩枱？而且都等左咁耐，我哋可以再等多陣。佢就比左後面5位外國人入去。佢叫我哋再等5分鐘，會有張枱比我哋，無耐就有人埋單走。下一秒我見到個5位外國人起咗身，坐左原先安排比我哋個張枱。然後我哋要逼係一張半圓枱，個下真心嬲 。同啲staff 講都無用，照嗌嘢食，個Bahn Mi係好食既。不過咁樣既服務，明顯係睇國籍，唔會再黎。