Video
Read full review
2021-05-18
1143 views
今餐係我今年第二餐既生日飯～總括而言，這家法國餐館做到法國傳統味道（同我係巴黎公幹時食到既味道差不多），亦做到法國侍應對華人既傲慢態度😅，但沒有法國人對serve客人/菜式果種講究。先講食物！《餐前/伴餐面包》- 少少凍，外面硬內不軟，低於正常法國餐館水平。- 順帶一提，其實法國人對面包係幾重視，因為無論早/午/晚餐，佢地每碟食物，出於對廚師專重，好多時「汁都撈埋」咁，會用面包「瀨」乾淨成個碟。所以面包一般質素唔會太差。《白酒-Chardonnay》- 正常水準，百幾蚊杯就有d over-priced，同平時Taste買到百幾蚊一枝既Chardonnay差唔多。- 本身叫侍應講下，話想是但飲杯白酒伴餐，問有冇House White，佢話冇。咁再問有冇推介，他指住個板叫我自己揀。我再問成個板冇咩推介，佢竟然講杯Moscato。。。- 我之後無奈地叫佢比杯Chardonnay我算。。《生牛肉他他》- 一個字「正」。- 完全法國傳統口味，當中洋蔥、醋、牛肉香甜、蔥、蛋香，完全perfectly matched!- 評分：9.5/10《生蠔拼盤》- 不錯，全部新鮮，有蠔味，海水味，一點都唔腥！
總括而言，這家法國餐館做到法國傳統味道（同我係巴黎公幹時食到既味道差不多），亦做到法國侍應對華人既傲慢態度😅，但沒有法國人對serve客人/菜式果種講究。
先講食物！
《餐前/伴餐面包》
- 少少凍，外面硬內不軟，低於正常法國餐館水平。
- 順帶一提，其實法國人對面包係幾重視，因為無論早/午/晚餐，佢地每碟食物，出於對廚師專重，好多時「汁都撈埋」咁，會用面包「瀨」乾淨成個碟。所以面包一般質素唔會太差。
《白酒-Chardonnay》
- 正常水準，百幾蚊杯就有d over-priced，同平時Taste買到百幾蚊一枝既Chardonnay差唔多。
- 本身叫侍應講下，話想是但飲杯白酒伴餐，問有冇House White，佢話冇。咁再問有冇推介，他指住個板叫我自己揀。我再問成個板冇咩推介，佢竟然講杯Moscato。。。
- 我之後無奈地叫佢比杯Chardonnay我算。。
《生牛肉他他》
- 一個字「正」。
- 完全法國傳統口味，當中洋蔥、醋、牛肉香甜、蔥、蛋香，完全perfectly matched!
- 評分：9.5/10
《生蠔拼盤》
- 不錯，全部新鮮，有蠔味，海水味，一點都唔腥！
- 不過侍應係完全沒介紹每對蠔係邊到來，邊對開始食先。。。
- 經驗所談， 都是法國蠔，礦物味同海水味足，襯到個蠔味出來。
- 可惜有點蠔碎。。。
- 評分：7.5/10
《黑松露牛扒配鵝肝》
- 賣相一睇，同垃圾崗沒分別。我自己屋企煮飯擺盤都比佢好。
- 味道ok。個汁咸左少少，好彩個牛味同鵝肝味夠出，都仲可以。
- 叫左medium rare，上碟大概medium-medium well啦。
- 評分：6.5/10
《熱情果焦糖燉蛋》
- 有驚嘉！佢用個熱情果皮/殼做底，整個焦糖燉蛋上去。
- 幾唔錯！
- 評分：7/10
《焦糖牛奶米飯布甸》- 幾好食，焦糖牛奶味好濃！有少少餅脆係面，撈埋食幾好。
- 但真係好甜好甜，食完飽滯成日。
- 評分：6.5/10
再講服務。
真心-差。。
1. 訂位
- 友人訂位，講明生日慶祝，要求甜品寫字句。應承左沒做。
- 友人訂位禮貌問一句有沒有dress code要求。侍應回應時譏笑態度，說句you can wear whatever you want之後cut 線。
2. 上菜
- 基本上，呢間野係菜餐廳態度，法國菜味道。
- 我張枱完全係爆曬棚。
- 未食完一樣再來另一樣。
3. 態度
- 基本上，係leave you there and eat and pay and fuxk off 既態度囉。
總結
- 食物：7/10
- 服務：2/10
- 整潔：7/10
- 性價比：5/10
Post
