Video
Read full review
2023-01-14
61 views
上環樂古道係香港其中一條有特色嘅街道，「樂古」意思係「以買賣古玩為樂趣」，係收藏家嘅尋寶地。沿住樂古道上斜路就會見到一間以古董為主題嘅歐式餐廳Le Galet。Le Galet以古典風格裝潢，採用木製枱櫈，以古董傢具裝飾，播放歌劇風格慢歌，仿如置身歐洲小酒館，好似去咗旅行咁～Starter【Kale Salad with Avocado and Mushroom】蘑菇係風乾嘅，口感香脆；同幼滑牛油果嘅口感截然不同，幾有心思。以意大利黑醋做Dressing嘅羽衣甘藍沙律，酸酸甜甜幾開胃。Soup【Carrot and Orange Cream Soup】雖然係甘荀湯，但店員介紹其係仲加咗多種蔬菜去煮，最特別係加咗少少橙皮，口感creamy，味道仲帶啖啖果香，營養十足！Main Course【Pan-seared Fish Fillet with Seasonal Vegetables, Shimeji Mushroom and Lemon Butter Sauce】魚柳魚皮煎到香脆，底下係雪白魚肉，味道鮮甜。配菜有露荀同本菇。檸檬牛油醬汁亦令到魚肉食落更香口。【Prime Sirloin
Le Galet以古典風格裝潢，採用木製枱櫈，以古董傢具裝飾，播放歌劇風格慢歌，仿如置身歐洲小酒館，好似去咗旅行咁～
Starter
【Kale Salad with Avocado and Mushroom】
蘑菇係風乾嘅，口感香脆；同幼滑牛油果嘅口感截然不同，幾有心思。以意大利黑醋做Dressing嘅羽衣甘藍沙律，酸酸甜甜幾開胃。
Soup
【Carrot and Orange Cream Soup】
雖然係甘荀湯，但店員介紹其係仲加咗多種蔬菜去煮，最特別係加咗少少橙皮，口感creamy，味道仲帶啖啖果香，營養十足！
Main Course
【Pan-seared Fish Fillet with Seasonal Vegetables, Shimeji Mushroom and Lemon Butter Sauce】
魚柳魚皮煎到香脆，底下係雪白魚肉，味道鮮甜。配菜有露荀同本菇。檸檬牛油醬汁亦令到魚肉食落更香口。
【Prime Sirloin with Roasted Garlic Sweet Potato and Beef Jus】
五成熟嘅西冷扒，肉色粉嫩，入口滿滿油香肉香。配菜有係本菇、烤蒜同甜薯，最特別係甜薯方塊用咗三種唔同甜薯特製。
Set drinks
除咗咖啡仲可以揀各種西式茶同果汁。咖啡係即磨嘅，不過就稍為濃咗啲。雜莓茶解膩又暖笠笠，啱晒冬天飲。
Daily Dessert
今日係【牛奶布甸】，上面有切片士多啤梨。布甸質感意外地有少少結實Q彈，幾特別；食落啖啖都係濃濃奶香又有雲呢拿香，相當不錯。
Post
