Oldish (Closed)

近年放假已經好少行街，反而好中意同朋友去cafe食野傾計，而中上環就有好多舒適既cafe比你嘆下咖啡，享受一個下午。今日同朋友行行下見到oldish，呢間cafe係網絡上出現過好多次，大家對佢評價都好好。今日既然經過，就一於試試！入去之前係門口已經見到有幾個女仔係出面影相，哈哈果然係網紅的店！入到去，裡面裝潢同店名一樣行復古路線。揀左窗口bar枱坐，抬頭一望天花個復古風扇非常大塵，但係配合返個店名，成件事 · 合理左同朋友嗌左個小食同lunch set share雖然呢個bruschetta 上面只係有蕃茄同cheese 但係越簡單既食物越難整得岀色。呢個麵包烘得好香脆，蕃茄夠乾身 唔會整淋個包。食得出係用心之作呢個burger係oldish必點既signature dish。用提子包夾住一塊好厚既牛肉，下面係一大片脆既cheese。因為用提子包 咬落去帶點甜味 塊脆cheese亦好香口，唯獨中間既牛肉有小小乾。但成個感覺都幾特別。最後加埋杯rosa latte，咖啡香濃加上淡淡既玫紅花香，為呢個下午畫上完美句號。