Shine (Closed)

Let’s Chill~ 歎返個tea set！難得放假，但天氣咁熱，戶外活動都要停停。 最好不過，就係喺室內歎住冷氣，食住嘢，傾吓計，放鬆一吓心情！約咗好朋友到尖沙咀嘅Shine食下午茶，$428一個二人set。飲品一人揀一杯，都好多選擇。 Strawberry Chocolate係用朱古力同新鮮士多啤梨整嘅smoothie，香濃朱古力加上新鮮士多啤梨香味，透心涼； Mix Berry Yogurt酸甜開胃又健康，口感幼滑！先食個沙律開開胃，紅菜頭切條增添色彩，健康又清新。金色嘅英式三層架上枱，食物排列有序，顏色配搭夠吸睛。 先由底層嘅鹹味小食開始：日本魔鬼蛋配黑松露三文魚籽、巴馬火腿配哈蜜瓜、煙三文魚米餅、香煎鵝肝多士、法式鹹批。 最好味係香煎鵝肝多士，香脆多士配上外層微焦嘅煎鵝肝，甘香美味。法式鹹批係芝士蘑菇批亦出色 ，批皮酥脆，上面有mozzarella cheese，仲係暖㗎，nice！中層係飽肚啲嘅「秘。蜜 」（即係柚子蜜）、明太子蟹肉牛角包、原味同提子味手工鬆餅。牛角包入面有滿滿蟹肉，加埋面頭明太子醬，咸香味十足。頂層係甜點：醉人提拉米蘇、心軟布朗尼、經典馬卡龍、巴斯克芝