Shiok! (Closed)

最近天氣極不穩定，上完韓語班後，安全起見都係在附近的Hysan 商場內搵食，食完直接落地庫落地鐵回家。一個人食飯去Food Court比較好，容易搵位；Hysan開咁耐都係第一之次去Food Court食飯，逛了一圈；最終選擇了招牌最Sharp 而且卡通化的「Shiok!」。「Shiok」是新加坡英語，當遇上美食都會以此讚嘆，跟「Wow」、「Yummy」等意思一樣。「Shiok!」與其姊妹餐廳海南少爺意念一致，堅持提供正宗健康及無味精的一等星馬菜，包括海南雞飯、喇沙、肉骨茶等。套餐有六款　包括餐飲及油菜；價錢太約$48～$58；在銅鑼灣這價錢都叫抵食。海南鷄湯米粉餐　$48湯底：以為係好清淡的湯，對沒有期望的我；飲一啖，都幾好味，以為係鷄湯，但係又唔油仲好甜，好似魚湯．．．唔知用什麼材料煲，總知唔錯，而且飲完都唔口渴。油菜：只有幾條菜心，但老食落有渣。海南鷄：賣相不吸引，好驚D鷄皮咁粗”鞋”又唔滑，而且起哂鷄皮毛孔又粗大～　我見到都起鷄皮～食落去，原來鷄皮都算滑，而且皮下脂肪不太多，都可以連皮食了幾件；但始終鷄皮毛孔粗大影響食慾，之後都係走皮食安心D。鷄肉質都可以，不太”鞋”，而且已預