KC Cafe (Closed)

因為一次shopping，我試過KC Cafe既熱的紫薯拿鐵，勁鍾意，佢有香濃既紫薯味，亦有少少紫薯蓉可食得到，所以質地比較杰一點，有點飽肚，我好推薦大家去飲！！韓式秘製雞翼，少少脆面，內裡既雞肉就好嫩滑，再加上少少韓式辣醬味，我好喜歡！不過食得好辣的人會覺得唔夠辣，唔係好食得辣的人就應該覺得這辣度是可以接受的程度。水牛芝士蜜糖意大利軟包驚喜，本以為包看似會好軟身，原來有焗一焗過，所以包是外脆內軟。蜜糖同芝士又好夾，芝士做到煙un 的口感，而且分量足，每啖都有芝士，再加上果仁片，多了一份脆皮口感，不過芝士、蜜糖、加軟包，真係會有d膩，所以2個人分會更好。