Video
Read full review
2018-08-24
427 views
今晚原本友人提議食雞煲，但兩個女仔好耐無見，想搵個靜靜地既環境傾下計，諗下揀下，佢問我有無試過呢間餐廳，喺「想試新野」而又「無咩花時間再搵其他資料」既情況下，就去左試Bro’s Cuisine!以今晚既觀察我覺得餐廳應叫Sis’ Cuisine，因為在場都係sister/lady 們!一入去個感覺係好寧靜好舒服，得兩枱坐左人（一枱就係我地）。可能係門較厚身，隔音好好，面積唔大，小妹目測Open kitchen 同serve 客 5:5比例，樓面大概可容納四至六枱客。因燈光較昏暗，加埋木製既方枱，感覺沈實；每枱同廚房既距離好近，好似食私房菜！兩個女仔叫左個dinner set, 包左一個前菜(2選1），一個薄餅或飯麵（6選1）同一個肉食（5-6選1）。結果我地既選擇係：前菜：黑松露意大利雲吞最初諗住意大利雲吞會比較膩，但因廚師用左比較大隻既雲吞，而裡面磨菇既比例多過芝士，食落唔會覺得滯！配上黑松露汁，內外呼應。喺薄餅同飯麵當中，揀左南瓜蟹肉燴意大利飯！最初係諗住試蜜糖鴨肝薄餅（幾特別既組合，好似好少見）..但呢排太熱氣，放棄左（都好，留個原因下次再泥幫襯！）。全個飯基本上俾重重既南瓜蓉包
以今晚既觀察我覺得餐廳應叫Sis’ Cuisine，因為在場都係sister/lady 們!
一入去個感覺係好寧靜好舒服，得兩枱坐左人（一枱就係我地）。
可能係門較厚身，隔音好好，面積唔大，小妹目測Open kitchen 同serve 客 5:5比例，樓面大概可容納四至六枱客。
因燈光較昏暗，加埋木製既方枱，感覺沈實；每枱同廚房既距離好近，好似食私房菜！
兩個女仔叫左個dinner set, 包左一個前菜(2選1），一個薄餅或飯麵（6選1）同一個肉食（5-6選1）。
結果我地既選擇係：
前菜：黑松露意大利雲吞
最初諗住意大利雲吞會比較膩，但因廚師用左比較大隻既雲吞，而裡面磨菇既比例多過芝士，食落唔會覺得滯！配上黑松露汁，內外呼應。
喺薄餅同飯麵當中，揀左南瓜蟹肉燴意大利飯！最初係諗住試蜜糖鴨肝薄餅（幾特別既組合，好似好少見）..但呢排太熱氣，放棄左（都好，留個原因下次再泥幫襯！）。
全個飯基本上俾重重既南瓜蓉包圍，超級黏身，所以點解waitress姐姐一上左呢味菜就溫馨提示我地要快d食，因凍左會”傑”同乾，嗰陣先食就係另一回事。
雖然蟹肉被濃濃既芝士味同南瓜既甜味蓋過，但小妹非常中意食南瓜同海鮮，又嗜甜，所以覺得呢個組合有新鮮感！只係略嫌芝士脆片唔夠脆。
如果係兩個女仔share，呢個份量可能會有d負擔，但情侶們或者Bros，應該okay 既。
主食選了西冷扒，七成熟，可以揀蒜蓉汁或黑椒汁。都係嗰句，肉食唔係小妹主場，只可以講：真係七成熟，唔會太熟或變左五成熟，煎得唔會好乾身，依然保留住肉汁。
蒜蓉汁一般，而且小妹覺得汁既份量可以減少d，但整體係意料之外的水準！
今晚食左兩個幾三個鐘，三枱都係女仔，幾個女仔始終難免一個墟，但真係唔覺得好局促、好嘈。
總括環境、食物、服務質素而言，係觀塘工廈區中性價比高既餐廳選擇！會再來的！
後記：意料之外的回味！多謝友人的的好選擇！
或許，生命有時候就是需要少些計劃、少些期待，多些隨遇而安。
也就像一個中同以前的口頭禪：
一切也是最好的安排。
Post
